【盤房來料】 資金流向重磅科技股支持港股反彈(030726).docx

資金流向重磅科技股支持港股反彈 美國6月份招聘活動顯著放緩，緩解聯儲局加息預期壓力，今晚美股為獨立日假期，美股長周末假期前個別發展，道指再破頂，創即市及收市新高；美元回軟帶動現貨金價曾反彈，重返4150美元水平。道指高開89點後，升幅擴大至最多598點，高見52903，收市道指仍升594點或1.14%，報52900；標指大致持平，報收7483；納指則下跌207點或0.8%，報25832。 有消息指蘋果公司正洽談，從兩家被美國國防部列入黑名單的中國半導體製造商長鑫存儲及長江存儲採購晶片，以減輕全球記憶晶片短缺帶來嘅影響，蘋果股價升4.8%，為升幅最大道指成份股；思科跌3.7%，為表現最差道指成份股。美光(MU)跌5.5%，收報975.56美元，大淡友基金經理Michael Burry表示，周三於1051.87美元狙擊沽空MU；加上蘋果向中國半導體製造商採購晶片，以及Meta可能出租多餘算力，引發外界憂心AI產業出現拐點，唔單止晶片股AMD、MRVL、INTC同埋SNDK腳軟，之前阿Man有短炒過而出清貨嘅CRWV同埋NBIS都插水，NBIS早兩日講咗，穿咗250美元要落到50MA，噚晚插水近6%，盤中更曾見207，收市叫做險守50MA，報收215，之前穿250果斷地249元止蝕先係正確。INTC雖然跌5.3%，但企到120又未死得晒，留咗一半貨未走。不過MU1050撈嘅貨，見5MA1087同10MA1110都上唔返，1070落咗車，盤中曾經喺990又接返半注，博佢企返上去條20MA，擺咗個975止蝕大覺瞓，因為防守位預咗980，穿就止咗先，要等下星期返嚟，再觀察下先決定撈唔撈返，事關MU幅日線圖開始走樣。至於MRVL，防守位250，但開市上唔返280，仲要穿埋30MA261，都決定258走埋另一半先，家陣條日線保力加底有少少向下打開，加上今晚美國假期，阿Man對MRVL再有情意唔敢多手住，下一個防守位係條50MA，大約223，等下星期返嚟再睇睇咩環境。反而KLAR喺22減咗貨，排個19.5撈返，繼續用17做防守。今晚美股休市可以抖抖，NQ交易到今晚一點，噚晚NQ都大波幅，高低位成千點，早段因為就業數據緩解聯儲局加息壓力，一度扯咗上去30320，都去到噚日阿Man計出嚟嘅尾二一個阻力位，其後晶片股插水，個NQ就食咗瀉藥咁，果然下破29650後，落到29300-29350最後一個支持位先反彈。至於今晚NQ個分水嶺喺29750，上面阻力29850/29950/30050/30150，下方支持29650/29550/29450/29350，留意29350條50MA，穿嘅話都幾難睇。 港股昨日重越23000大關，下半年首個交易日做好，恒指高開190點後，升幅一度擴大至454點，報23335，其後升幅縮水至174點收市，報23055，成交額3696億元，資金流向傳統科技股，反而最易熱炒嘅半新股及晶片股受壓，資金似乎板塊輪動。資重從新流向重磅科技股，有助恒指改善表現，而資金雖然未大舉回流港股，但從pair trade角度睇，反而日、韓及美股嘅存儲股降溫，港股更能吸引資金抄底。恒指高開185點，報23240，好友終於肯出吓力，喺重磅科網股拉動下，大市升幅擴大，最多升461點，報23516，成功收復10日線，不過至早市中段升幅一度收窄至171點，再度回踩10日線見23226，企穩10日線後，半日收升361點或1.57%，報23416。大市半日成交1660.8億元，北水淨流入41.36億元。 暫時港股於22500水平開始築底，7月份或有望先展開一波反彈，不過港股積弱已久，反彈之路並不平坦，上方仍是阻力重重。港股要展開一波反彈，首先要企穩10日線即23350-23400左右，下一阻力為5周線約23850，而20日線約24050即24000心理關口阻力更大。後市能否扭轉劣勢，20日線企穩為關鍵，而目前下降軌阻力約為5個月線約24300水平附近，先突破20日線再重突破下降軌阻力，大市方有望展開更有力反彈。而至上方50日線約25180，100日線25600及250日線25700暫時仍遙不可及，除非成功修復所有移動平均線，港股方能於下半年扭轉上半年之劣勢。