中港股市乏人問津反彈難持續
2月5日，大致多雲及有一兩陣雨，沿岸有霧，早上天氣稍涼。下午部份時間天色明朗，天氣潮濕溫暖。美國股市上周喺重量級科技股業績表現理想下持續做好，三大指數以接近紀錄高位收市，市場本周焦點仍然係藍籌上季業績。三大指數上周累計仍升1%。至於美國本周經濟數據方面，較受觸目係今晚公布嘅美國供應管理協會(ISM)1月服務業指數終值。而美匯指數重返104水平，人民幣今早離價跌至7.22水平。
A股除咗歐美資金持續外逃，公司主要股東亦不斷沽貨，內地基金為應付贖回亦沽埋一份，股民為減少損失當然都係沽貨，人人沽貨令A股弱過藥煲。上週五A股3大指數下跌1.46%至2.43%不等，即使國家隊入場托市嘅上證，上週從高位竟然出現5連跌，直接穿底。創指再跌2.43%至1550，去年9月時創指2000點是話係鐵底，4個月過去鐵底變鐵頂，累計跌幅達23%。
大家齊齊沽A股，內地市場資金究竟去咗邊錢？留意最近內地嘅海外股市ETF竟出現5%至15%不等溢價，ETF 係被動式追蹤指數基金，理應不存在所謂溢價問題，因為有溢價基金就會多發行股數，流入惖資金被動式買入相關資產，如目前的海外股票。據了解中港股市無運行，更多內地資金沽中港基金，換馬至其他市場，目前日本股票ETF出現超過10%溢價，成為內地資金新寵。另外印度股市屢創新高，亦成為內地資金熱門追捧對象。情況反映內地散戶並非真係缺錢，反而係喺中港股市輸到怕，寧願意轉投其他市場。
至於港股，早前指恒指升至16200已乏力，因為唔見有新資金流入，歐美資金唔會高追，北水上週五再淨賣出40億港元。歐美唔買，北水唔買，偷步炒上嘅港資已開始沽貨離場，港股成交回落至1031億元。
港股表現疲弱，上周五於ADR跌破15400水平，夜期則險守15400，較周五收市價再跌逾百點，預料今日港股低開。上周一恒大(03333)終被勒令清盤，市場擔心其他正進行債務重組嘅內房受影響，清盤之事陸續有嚟，港股反彈舉步為艱，按周更再跌419點。恒指連續三日都未能收高於10日線，港股上周五高開但多條移動平均線得以復失，若短期未能升破上月高位17135，或略升穿即回落，後市再跌穿14597點，即22年低位，後市跌硌14000甚至更低水平。今日需守15400關，15300-15400為即市支持，而即市阻力為15600-700，即10日線15674及5日線15673匯聚區，20日線15793即15800阻力更大。
利益申報 : 筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。 免責聲明 : 本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。 版權聲明: 本網站所載的資料（包括但不限於所有文字、數據或其他資料的匯編），除註明外，皆受香港特別行政區政府知識產權署的版權法條例所保護。D's Consultant Limited（包括文章作者）在任何時間皆持有本網站版權所有的權利，包括所有版權利益與其他知識產權。任何人如被發現有任何形式之侵權行為，本網站保留向侵權者索償或提出檢控之權利。詳情請向香港特別行政區政府知識產權署查詢。