【盤房來料】 港股反彈廿日線遇阻稍作回調(070726).docx

港股反彈廿日線遇阻稍作回調 美股周一假期後復市，科技股反彈帶動市場回升，道指再創即市及收市歷史新高，收市首次跨越5.3萬點水平。雖然道指早段低開曾跌251點，但收市倒升155點或0.29%，報53055；標指反彈54點或0.72%，報7537；納指升288點或1.12%，報26121。 重磅股中，SpaceX由7月7日開始納入納指100成份股，但周一股價由升轉跌1%收市，今晚食住花生等睇戲。 睇返阿Man個短炒倉位，繼續空虛，內存股未跌完，噚晚開市無耐MU喺1000美元水平搖搖欲墜，一直企唔返條30MA，5MA、10MA同20MA直頭係影都唔見，日線圖已走樣，於盤後跌至阿Man所講嘅下一個支持區900至950美元範圍內，啱啱喺條10周線926美元附近，守唔到嘅話，睇嚟要50MA見，係862美元左右。至於仲喺手嘅短炒股DELL，見10MA企唔到，415將貨尾單位出清。INTC同樣係企唔到130美元條10MA，但見喺條20MA同30MA附近，仲有少少短炒貨，姑且留一留。暫時只係得返KLAR一隻短炒貨，除咗16.8平貨，另有19.5回補嘅貨，睇住條20MA支持大約喺18元，有唔對路一樣會車。 費城半導體指數自上月高位回落近14%，摩根士丹利策略員威爾遜預期美股短期仍受壓，指投資者正拋售上半年表現最強嘅晶片股，換馬至落後超大規模雲端廠商(Hyperscalers)等股份，提到微軟、亞馬遜及Meta喺人工智能(AI)相關股份較吸引，因核心業務表現仍強勁。滙豐首席多元資產策略師Max Kettner唱好超大規模雲端廠商股份，呢類股份喺5月、6月遭過度拋售，相信喺7月、8月將回升，相關公司投資數以千億計美元喺AI基建後仍能賺取利潤。見到啲專家咁講，今晚不如留意返M7幾隻大嘢，INTC本身仲有貨，50MA守到或者加返注；MSFT就守住5、10同20MA，有少少想喺380-390呢個範圍撈少少貨，博佢上返50MA，企返上400樓上。NVDA手上有190同195嘅短炒貨，一直未有處理，250MA喺187美元，呢個位係短炒最後一道防線。META呢啲水平其實都有得諗下，5MA同30MA做防守，即係守到585-590元，亦考慮買返啲嚟短炒。GOOG早前喺358.5止咗，依家喺5、10、20幾條MA，逐條打返上嚟，360排下隊入返一注，用330至340大約條100MA同20周線做防守。至於NQ今晚個分水嶺喺29600，支持29500/29400/29300/29200，上方阻力29700/29800/29900/30000，留意啲內存股唔識彈嘅話，就算M7做返好啲，個NQ都只係行range。 港股昨日延續上周反彈之勢，恒生指數高開54點後，一度轉跌120點見23229低位，剛好守住10日線23219再度回升，盤中曾升336點至23686高位，全日升勢回順升266點，連升三個交易日，報收23616，北水錄得淨流入愈百億元。隨著下半年資金重新進行配置，有資金由熱炒AI及存儲股流入至傳統科技平台股及醫藥股，帶動恒指回升，而港股亦於22500關鍵支持水平暫見支持，加上超賣反彈，港股展開反彈。由5月高位26844回落至6月22518低位計算，港股累跌逾4000點，若以黃金比反彈0.382計算，本輪反彈目標為24170，如反彈0.5計算，則可見24681，剛好30日線24392及20月線24309落在此兩反彈阻力之間。料港股有望先挑戰20日線，現處於23866，企穩此關，則有望再挑戰24000心理關口及黃金比0.382即約24200水平。不過港股要完全扭轉跌勢，則需要於23800-24200之間從近建立平台，再站上20個月線24300及逐步收復50日線重返25000水平之上，方有望再展開另一升浪。