【盤房來料】 恒指挑戰100日線能否企穩有待觀察(230726).docx

恒指挑戰100日線能否企穩有待觀察 中東緊張局勢持續，紐約期油再度向90美元進逼，布油更於六個星期以來首次升穿每桶95美元，市場對通脹升溫再感擔憂，美股周三偏軟。道指高開62點後，升幅擴至最多286點，高見52511，其後反覆回軟，道指收市回吐6點，報52218；標指跌10點或0.14%，報7498；納指跌157點或0.57%，報25690。 Alphabet於周三美股收市後公布業績，阿Man都講咗GOOG用340做防守，由於盤後出業績，個止盤都擺定，結果盤後就被止損，股價反覆下挫1.5%，盤後股價再跌近2%後回穩，暫時穿咗100日線，早前喺330-340附近有個平台，呢個平台企穩再算。Energy Group Capital研究主管Amanda Lyons認為，Alphabet不僅公布業績，同時報告整個人工智能(AI)投資周期健康狀況，若管理層對投資承諾被認為有猶豫，整體AI建設持續性將受質疑。其實Alphabet份業績又唔係話差，但未來資本開支增加，加上首次出現負玩金流，短期對股價係有啲壓力，短線個支持大約係310-320，要企穩340守返條100MA先叫穩定啲。MU噚晚一度再考驗50MA，即940個防守位，穿一穿至936，又係守到10MA現處於930左右，阿Man剩反半注留住先，繼續睇下有冇機會上返1000，暫時企返條50MA，個心叫定啲。DELL喺400-410個防守力度唔錯，kepp住一半等下先。NBIS穩步回升，噚晚剛好上返20MA，呢兩日再睇50MA企唔企得返。MSFT仍然無大變動，佢又無死穿個380，繼續喺幾條平均線度行嚟行去，暫時按兵不動。其他重磅股方面，Tesla亦於周三收市後派成績表，股價跌1.3%，業績公布後盤後再跌3.5%；微軟、IBM及亞馬遜全部跌逾1%，Meta跌2.6%，話咗唔急買返。SpaceX未能重返招股價，回復跌勢，再跌6.7%。Nvidia則升2.3%，為表現最強道指成份股，阿Man手上嘅短炒貨，暫時有一成進帳，今晚若然打唔爆個215，或者減返半。短炒游下水。NQ今晚分水嶺29100，支持29000/28900/28800，阻力29200/29300/29400。 據彭博引述消息人士指出，特朗普政府周五前將向數十個經濟體貨品徵收新關稅，旨在確保即使臨時性10%全球關稅屆滿，其關稅體系仍可維持。通脹憂慮加劇，美國10年期債息曾升3.7個基點，至4.665厘，對息口較敏感嘅2年期債息漲5個基點，至4.311厘，而30年期長債孳息今年有27個交易日高於5厘，為2007年以來最多。美滙指數一度跌0.15%至101.02，日圓從40年低位回升0.29%至162.69兌每美元。 港股昨日窄幅上落，恒指則再度跌穿25000水平，好淡雙方於25000打晒交。由於本月底內地將召開政治局會議，喺內地次季增長低於預期下，市場正觀望本輪會議會否有重大政策公布，以扶持內地經濟增長。市場仍憧憬7月底內地政治局會議，或會推出更多刺激經濟政策，甚至宣布減息降準等利好股市措施，令大戶淡友亦不敢大手做空，形成近日好淡爭持局面。夜期昨日見反彈，恒指又再逼近25000關。今早黑期重返24900水平之上徘徊，港股今早亦高開73點，報24966點後，一度倒跌最多15點，低見24876點，好友隨後反攻，步步進逼，令恒指升幅逐步擴大至最多362點，高見25255。恒指半日收報25227，升334點或1.34%。不過成交額只有1295.48億元，不僅未見價量齊升，更比對上日縮咗水，而北水則錄得16.18億元淨流出。暫時恒指半日企咗上100日線約25220，下一阻力為25560即30周線附近，較大阻力為250日線即25700亦為50周線所在。至於短線支持為10日線及50日線匯聚區，約24650-24750，下一支持為10周線約24400，重要支持為20日線，接近24000關口，此關不容有失，留意一旦跌穿50日線及10日線匯聚區，整個反彈或結束，出現反轉形態，港股或展開新一輪跌浪。