【盤房來料】 港股無法企穩二萬六關提防見頂(110826).docx

港股無法企穩二萬六關提防見頂 市場並未能相信快霍爾木茲海峽可於短期內通行無限，而美國總統特朗普又放風可將戰事升級，帶動國際油價上漲，加上周三美國公布通脹數據，投資者轉趨審慎，美股周一三大指數略見回吐，高位整固。道指收報53975，扭轉早段升勢，跌60點或0.11%；標指微跌4點或0.06%，報數7753；納指跌85點或0.32%，報收26605。 蘋果公司遭富瑞Jefferies下調投資評級至「跑輸大市」，原因係擔心iPhone業務前景，尤其持續提升平均售價能力，供應鏈亦顯示蘋果因生產良率不佳，取消推出全玻璃20周年版iPhone計劃，消息曾拖累蘋果股價挫1.5%；不過其股價仍然守喺300美元之上，暫時都係喺幾條移動平均線附近上落，下方100日線係重要支持。MSFT終於上到500美元，企唔企得穩仲有待觀察，短炒嘅貨將個防守位推高上去490美元，有唔對路隨時食咗先講。至於MU開始窄幅上落做整固，短線睇住第一條防線850，再穿就要落返820/780，上方950-970成為短線阻力。GOOG同樣守住340樓上，推高咗防線去350都守埋，繼續按兵不動。至於DELL暫時上返5MA，條防線擺高少少去440。NBIS未上返車，終於股價喺多條移動平均線之下，100日線企唔返係差少少，觀察多一兩日再算。NVDA見過220樓上又回頭，190至220呢個range似乎未見突破，不過守到210再等下，畀多個機會佢睇下可唔可以突破220再向上行遠啲。至於INTC又係逼近20MA同100MA守住95美元，暫時未上返車，試下擺個96美元睇接唔接到貨。NQ噚晚窄幅上落，50MA大約係29500似乎有支持，市場等緊今個星期公布通脹數據，暫時又未企返穩30000，睇個款今晚都係窄幅整固。NQ今晚個分水嶺繼續喺29800，支持支持29700/29600/29500，上方阻力29900/30000/30100。 「股神」巴菲特旗艦巴郡上季業績披露，公司開始運用龐大現金進行投資、收購及回購股份，股價揚升近1.5%。巴郡咁大動作，似乎短期美股難以出現大幅度調整。摩根大通兩個月內第二次上調標指今年底目標，從原先7800上調至8000，略高於華爾街策略員平均預測。細摩指最近美企業績反映過去一季業績強勁，以及龐大人工智能AI投資開始產生回報。該行策略員Dubravko Lakos-Bujas指出，次季業績證明超大規模雲端服務商開始透過消費者需求變現，又提到Alphabet、微軟及亞馬遜等雲端業務收入及積壓訂單強勁增長，有助紓緩市場對AI投資回報擔憂。公司另一位策略員Mislav Matejka則基於盈利及經濟活動指標改善，繼續睇好下半年環球股市，周期性股份表現料跑贏，尤其銀行、奢侈品、建築材料、礦業、工業及周期性消費類股份，同時睇好新興市場及歐元區股市。 美國公布通脹數據前，美股略為回吐，三大指數仍於高位整固，而港股昨日則反彈，並以裂口高開，以上升裂口25669-25720回補上周四所遺下嘅下跌裂口25667-25729，全日恒指報收25937，以貼近高位25957收市，升269點，成功修復全部移動平均線。今早恒指高開61點，報25998後，大市一度重上二萬六關，升幅最多擴大至122點，高見26060，但成交唔配合一直係港股由二萬五升至二萬六呢一千點嘅問題，其後二萬六關得而復失，跌幅逐步擴大，至中午收市前最多跌177點，低見25760。半日跌163點或0.63%，報25773，暫時險守250日線25743，但10日線25823再度失守。半日成交1158.38億元，雖然北水淨流入17.99億元，但成交持續縮減，反映資金唔多願再高追。而本周迎來騰訊(00700)及京東(09618)業績，騰訊半日跌逾2%，差不多逼近20日線即468.8水平，一旦確認跌穿，分分鐘拉埋個市下試25400回踩恒指條20日線。上周恒指創咗26187高位當日，出咗個穿頭破腳走勢，若然今個星期一直無再打爆呢個頂，咁呢一輪反彈浪可能就此完結，今日個市雖然高開，但高開低走落返25800之下，一旦午後跌幅擴大，補埋噚日個上升裂口，咁見頂訊號更為強烈，加上26000呢個心理關口，除咗8月3日一收企過收市，之後每一日都係喺26000樓下收市，暫時仍受制26000呢個阻力，無法向上突破，一旦下破250日線甚至20日線，唔排除向下回測50日線約24650，甚至再次考驗24000尋找支持。