【盤房來料】 恒指低開低走再失廿日線(120826).docx

恒指低開低走再失廿日線 巴基斯坦國防部官員表示，近日有跡象顯示美國與伊朗快將達成某種安排，但伊朗最高國家安全委員會秘書Mohsen Rezaee堅稱，除非美國改變行為並接受伊朗條件，否則霍爾木茲海峽仍然封鎖。美伊戰事消息彈出彈入，市場已對於相關消息感到疲憊，似乎對美伊戰事消息敏感度愈來愈低，市場焦點都係放返喺息口走勢同美企業績上面。 美股周二先升後跌，道指低開14點後，掉頭倒升最多246點，高見54222，其後一度倒跌229點，收市道指報53791，跌184點或0.34%；標指跌25點或0.32%，報7728；納指跌159點或0.6%，報26445。 重磅股個別發展，蘋果、亞馬遜股價收市分別跌1.1%、2.1%，Alphabet跌3.8%，自谷歌(Google)上周宣布重組旗下人工智能部門以來，Alphabet連續五個交易日中跌咗四日，落到防線350都係選擇短炒嘅貨先離場。NBIS企返條100日線，就喺190上返車，盤後出埋季績上返200樓上，博得到業績，今早先喺207沽返一半，另一半用返190做防守，睇下有冇上返50MA即係220。NVDA繼續持有。INTC喺96個買盤中到，用90就防守，博佢彈返上100樓上，目標係重返50MA大約係110。至於DELL落到440嘅防守位，都係食咗先講，之後又擺返個買個盤喺435條10MA同埋425條20MA撈貨，暫時短炒係要勤力少少走多幾轉，只係中返435半注，今晚CPI唔知乜嘢環境，若然中埋425半注，會用個420做防守。 今晚美國周三公布7月份通脹報告，市場預期整體消費物價指數(CPI)按年升幅略為放慢至3.4%，扣除食品和能源的核心CPI增幅亦放緩至2.5%。有分析認為，通脹降溫將緩解聯儲局主席沃爺個人及公開市場委員會(FOMC)錯誤解讀美國經濟壓力，若通脹升溫勢迫使當局盡快採取行動。不過克里夫蘭聯儲銀行總裁Beth Hammack放鷹，指聯儲局可能需多次加息始能遏抑通脹。美滙指數一度微升0.09%至99.9，日圓曾揚0.23%至158.93兌每美元。瑞穗銀行高級策略員中島將行表示，如果美元兌日圓一舉突破160重要心理關口，干預滙市預期將加劇。不過似乎日央行點樣干預，暫時仍無法扭轉日圓弱勢。至於個NQ噚晚僅窄幅上落，似乎都係等緊今晚出埋個CPI先會有較大動作。NQ今晚個分水嶺喺29700，支持29600/29500，一旦個CPI有乜依郁，NQ失守29500嘅話，會插深啲落去29200-29300；相反，個CPI反映通脹持續降溫，個NQ企得穩29700，就可以上返29900至30000。 至於港股昨日表現麻麻，恒指高開後，一度升至26060高位，可惜二萬六關得而復失，其後由升轉跌，最終跌284點，以接近全日低位25652收市，成交額則縮水至2109億元，雖然未有放量下跌，但短短幾個交易日內出現穿頭破腳利淡走勢，並再度失守10日線及250日線，夜期進一步回落，逼近25500水平。今早恒指低開25498，已經半日高位，低開低走跌穿埋條20日線(25445)，半日跌300點，報收25352。雖然成交未見放量，但跌市就唔同升市，升市要有成交配合，跌市成交即使唔放量，都可以慢慢陰乾。今日唔單止跌穿咗20日線，若然午後唔識彈，保持喺低位收市，就會出現一個25498至25647嘅下跌裂口，而短線呢個裂口頂部，將會成為反彈阻力，而25750條250MA嘅阻力更大。港股自升至26000關屢攻不下，恒指僅一個交易日收市高於其上，而近幾個交易日，牛熊證街貨亦開始由嚴重失衡改善至最近1000點接近較平衡狀態，港股亦再無挾淡倉誘因。恒指經過7月份整個月反彈逾3000點，進行一波調整亦相當合理，留意本輪調整若然失守20日線，則往下考驗100日線同時為20周線即25150-25200，跌穿下方支為24700-24800約20月線30日線，重要支持為50日線24600及10周線24500，與日線保力加底部不謀而合。