【盤房來料】 港交所及阿里巴巴業績決定後市方向(190826).docx

港交所及阿里巴巴業績決定後市方向 環球債息攀升困擾美股，低開105點後，跌幅擴大至最多203點，最低報53256，收市跌幅收窄至116點，報收53343；標指跌53點或0.69%，連跌第3個交易日，但標指能源股指數上揚1.79%，創收市歷史新高；納指跌355點或1.33%，報收26289。反映中國概念股表現的金龍指數回吐1.01%，報6256，百度(09888)公布業績後，ADS下跌12.7%，折合為港元較本港低11.9%，今日港股呢邊裂口低開，跌幅跟ADS相約，低開後無乜反彈。憂慮油價上漲推高通脹，美國10年期債息一度續漲2.39個基點，至4.7458厘，為2025年初以來高位，30年長債孳息上揚3個基點，至5.3361厘2007年以來新高。德國政府周二拍賣40億歐羅30年期國債，中標息率據報達3.783厘，創2011年以來新高。CG Asset Management投資組合經理Emma Moriarty表示，中東緊張局勢明顯升溫，長期利率正攀升，最終對股市造成衝擊，市場流動性喺夏天假期期間較低，令市況更為波動。 噚晚啲科技股回得比較多，MU喺968個買盤中咗，但980影都無就回頭，948接多注，預咗940止蝕，結果瞓醒就瓜。MU盤後進一步回落穿埋930，已逼近10MA(917)，低見919反彈少少，索性擺個買盤喺900，博佢落到20MA(896)前有支持，接到用個880做防守，或者守到10MA，就係920先買一注，等今晚開市再睇。DELL喺盤後穿咗10MA，之前435買嘅貨仲未落車，今晚睇下條10MA(468)上唔上得返，上唔返或者又要下試444條20MA，加注定先撤退，今晚再決定。至於NBIS開市見整個板塊腳軟，255先接一注，另一注買盤放咗喺230條10MA(228)前面，用返個220做防守，跌穿埋條50MA(222)，都要先撤退。NVDA同INTC繼續用210同90做防守，持有。MRVL開始收集，227嘅217嘅買盤都中咗，最後一注207就未中，若然中埋會用100MA(200)做防守，靜觀其變。一排無玩嘅ALAB出師不利，312試盤買入，299止蝕咗，出師不利，唯有等100MA附近283-288再上車。噚晚買咗QNT，公司主要業務係開發整合式量子運算硬體系統、中介軟體與應用軟體；分別喺64同61買咗少少，用20MA(57)做止蝕，睇下今晚彈唔彈返上61條10MA樓上。其實美債息挾都咁鬼高，短炒都要謹慎少少好，入場博反彈短炒，一定要嚴守止蝕。NQ又向返下，暫時夜盤喺條50日線附近徘徊，29500分水嶺，支持29400/29300/29200，留意20MA29175不容再失，上方阻力29600/29700/29800，29800係10MA，企得穩個NQ先有力再上過。 港日先跌後反彈，恒生指數低開84點後，盤中曾跌212點至25240低位，但100日線前有支持，午後反彈更全數收復失地，收市倒升17點至25471，成交額2555億元，成交略為回升，而北水更錄得淨流入140.02億元，為一個月以來淨流入新高。不過至夜期時段卻隨美股走軟，夜期雖然曾升至25500水平，可惜最終跟隨美股走軟，收市跌穿25400水平，黑期今早亦於25300水平徘徊。今早恒指低開124點，報25346，早段最多跌155點，低見25315，但A股急跌下，港股竟然未見進一步跟隨向下，大市掉頭倒升，重上10日線(25520)，並向20日線(25561)進發。恒指以接近半日高位完上半場，收報25533點，升62點或0.24%。不過中午公港交所(00388)業績，若然港交所業績未能帶動大市成功企穩20日線，港股走勢仍然偏軟。目前恒指窄幅上落，但恒指已多日處於250日線之下，而近幾個交易日，則受制10日線及20日線，而8月12日所遺下之下跌裂口25498至25647遲遲未能回補，走勢已明顯轉弱。一旦進一步跌穿100日線即25176，料將考驗25000心理關口亦為5月線，以及50日線約24650水平。反彈阻力方面，10日線及20日線約25500-25550仍有阻力，而下跌裂口頂部約25650及250日線25750阻力更大。今日港交所業績如未能帶動恒指收復10日線及20日線，則要觀察明日阿里巴巴(09988)公布業績，能否助力港股扭轉乾坤。