【盤房來料】 2026港股開局理想 科技股有望扭轉弱勢(020126).docx

2026港股開局理想 科技股有望扭轉弱勢 2026年大家好，12月<>暫停咗一個月，休息係為咗走更遠嘅路，2026年，阿Man喺信報網呢個專欄，將會進行大改革，由過往只集中討論港股，今年將開拓更廣闊嘅角度，每日大約三點左右，喺歐洲市場開市前，同大家預測一下港股呢邊嘅夜期走勢，同埋納指期貨(NQ)走勢，畀大家為夜市作部署。個股方面，除咗會有焦點港股之外，當晚可留意嘅美股亦會提供參考。希望有更多角度，畀到大家更豐富嘅資訊，希望大家繼續支持<>呢個專欄。 回顧2025年，環球整體投資市場普遍做好，貴金屬市場更牛氣沖天，雖然第四季股市風頭被貴金屬市場蓋過，但總括全年，本地投資者最關心嘅港股、美股及A股市場，全年均有不俗進帳。展望2026年，中港股市料慢牛可持續，美股估值雖高，但有望持續減息下，經濟下行風險有限，只要AI行業發展持續，企業盈利表現理想，美股仍有機會更上一層樓，帶動港股挑戰三萬大關。 睇返今日上半場，2026年確係有個好嘅開局，恒生指數半日升咗559點，報收26189，不僅收復所有移動平均線，更企穩二萬六大關，實在可喜可賀。不過以半日559點升幅嚟計，只有768.69億元，即使北水今日仲放緊假，呢個成交就唔係太配合，要睇埋下半場收市後，成交有幾多，若然連1500億都唔夠，乾挾淡倉後，小心下周北水返嚟食糊，個市又落返26000樓下。板塊方面，今日科技股好明顯轉強，恒科指半日升咗超過3%，除咗條100日線喺5825仲有啲距離之外，其他移動平均線都企穩晒，不過條50日線喺25702，暫時正正呢個位，係咪企得穩，仲有待觀察，至少企返三個交易日，再上埋100日線，先有機會再展升浪。機械人同AI相關股份，今年相信仍然係主題，今日不妨留意下敏實集團(00425)，去年開拓新興賽道，積極切入人形機器人、液冷、低空經濟等方面嘅業務，預料呢條新賽道，但為集團打開長期成長空間。暫時可以喺30至34元之間收集，用返個28元做防守，目標先睇返36至38元，突破到38元，今年有機會見4字頭。至於期指方面，似乎日波幅同周波幅經過今日升市，已滿足波幅需求，暫時恒指26200-26250仍會有一定阻力，咁期指就睇返個26300-26350係短線阻力位，上方26500-26550阻力更大。下方支持恒指先睇個26100，期指就睇26150，穿就有機會回試返50日線同100日線，大約係25900-25950，只要連續三個交易日都守到26000水平之上，下星期睇高一線先啦。話晒12月都吽咗成個月，1月開局升返啲，上去試下阻力位亦合情理。 至於美股方面，雖然大除夕當晚三大指數偏軟，但全年累計三大指數仍有不俗升幅，道指升12.97%；標指及納指則分別升16.39%及20.36%，展望今年，美股仍要視乎盈利增長動力，不過以估值計算，美股目前估值並不便宜，料即使今年再有升幅，指數或只有10%至最多15%左右升幅。值得留意係今年美股將會有唔少大型集資活動，估計今年集資額都會係世一，當中較為矚目嘅係馬斯克嘅SpaceX上市，若然SpaceX表現理想，應該可以令美股喺今年保持熱度。至於今日個NQ先睇返個25650-25700為阻力，較大阻力係25850；至於下方首個支持為25550，而25450應該有較大支持。個股方面今年繼續睇好量子，太空，軍工，核電呢啲板塊量子，太空，軍工，核電呢啲板塊；量子方面，IONQ有波幅可炒 ，穩陣就揀IBM。太空概念，除咗萬眾期待將上市嘅SpaceX，市場暫時都係集中炒RKLB ASTS，另外PL可以留意。軍工/無人機我可以睇實ONDS，公司佈局唔錯，但要打爆到9.9先再有得上；核電同埋鈾都係炒返隻CCJ。重磅股方面，NVDA暫時喺175-195之間玩緊上落，企返195今年目標睇有冇220；GOOGL就290-295有位就試下，睇下係咪290-320炒少上落先。TSM今年應該有望睇高一線，290-295搵位上車，望佢今年再突破創新高。