【盤房來料】 恒指裂口高開後又回軟弱勢未改(211026).docx

恒指裂口高開後又回軟弱勢未改 美國科技股跌勢放緩，加上銀行股回勇，道指低開6點後，早度跌55點，之後強勢反彈，最多升723點，高見52689，收市道指升529點或1.02%，報52495；標指升21點或0.28%，報7712；納指微跌6點或0.02%，報26424。3M連績第二季上調全年每股盈利預測，收市升5.8%，道指成份股中表現最好。金融股回升，摩根大通升0.5%，高盛升1%。網購巨頭AMZN計劃為假期購物旺季招聘逾30萬名工人，較去年多20%，該公司另將於明年喺德國投資超過160億歐元，包括建設數據中心、衞星計劃及Prime Video內容製作，股價升0.1%，變化不大。影視串流龍頭Netflix市後公布業績，NFLX股價先升後跌1.7%，盤後續回軟，再跌5%至65水平，之前阿Man收多多喺70買咗些少作長線，依家坐住艇，但又唔打算投降，反而守到65，呢個位係250周線附近，加上呢個價估值唔算貴，今晚考慮加一注，用60做防守。META下跌1.6%，穿收700，但夜盤又上返700，暫時手上短炒725均價嘅貨仲喺手，680防守位無穿過，持有住先。GOOG回吐1.1%，為跌幅最大道指成份股，328嘅短炒貨用300做防守無郁過。MU喺880-920窄幅上落，860嗰一注貨無郁過，呢一手貨用返850做防守，謀定而後動。ALAB盤後逼近300，305均價嘅貨家鄉在望。NBIS差啲啲買唔到160，無刻意追貨，今晚睇情況再決定加注定撤退。MRVL仲有均價260嘅短炒貨，暫時不加不減等築底回升。DELL減咗注470，見有戰友450撈貨，阿Man就撈返470走咗嗰注貨，叫做偷咗20蚊，望可以減低個持貨成本，暫時手上短炒貨嘅持貨成本拉到488左右，夜盤去返呢個價，總算見到家鄉，阿Man對DELL有信心，守得到470，應該可以上得返500樓上。INTC坐住先，等築底上返100樓上。 美國10年期債息曾跌6.68個基點，報5.073厘；對息口敏感嘅2年期債息轉升3.4個基點，報4.795厘。日本周二進行的20年期國債拍賣認購比率達5.84倍，創紀錄新高，顯示債息高吸引投資者，消息帶動當地長債債息回落，日本20年期債息曾跌6個基點，至3.71厘。法國示威活動持續，債息再升，法國10年期債息與同年期德國債息差距升破150個基點，一度達154個基點，逼近本月較早前的159個基點高位。美滙指數一度跌0.46%，報101.51；日圓升0.44%，高見157.83兌每美元。油價波動，布蘭特期油最多漲2.23%，高見每桶111.99美元，再創5個月新高，其後曾轉挫3.29%至105.95美元，收市仍跌0.69%報108.79美元；紐約11月期油跌1.8%，收報101.79美元，因據報伊朗和平談判或取得進展，而俄烏戰事亦有望今年內解決。 至於NQ噚晚捉住個29750分水嶺博反彈，今早瞓醒有驚喜，29900-30000短線反彈目標話有就有，暫時擺咗個29800買盤博多次。今晚分水嶺29800，支持29700/29600/29500，阻力29900/30000/30100，50MA喺30050，企定定喺30100上面，就有機會繼續彈。 至於港股偏軟，噚日裂口低開196點後，一度跌339點低見23855，收市跌幅略為收窄至319點，報收23867，最終遺下24035至24087下跌裂口，成交額1904億元維持低迷。近日外圍股市動盪，但未見有資金流入港股，噚晚美股反彈，夜期則隨美股反彈逾百點，重返24000水平。今早黑期於24000邊徘徊，今日竟然gap up271點，跳空開24139，可惜開市價已成半日高位，10日線及24000關得而復失，喺A股續軟下，半日大市最多跌90點，收市報23784接近半日低位。成交額904.36億元，陰乾下跌，北水錄得淨流出3.08億元，似乎北水都無心戀戰。恒指今早回試5日線及10日線，即24050-24150水平就無以為繼，噚日期指密集區23900亦失守，半日23800亦保唔住，睇嚟再向下試23700/23600機會甚大，暫時23600為首個支持，失守下一支持23400，若然計一計月波幅，去到23400都只係1100點左右，要滿足1500點波幅，下方23000先係本月終點，當然掉頭向上做波幅無話唔得，但以目前港股嘅奬狀況，似乎向下埋個月波幅更符合圖表走勢。