【盤房來料】 大笨象業績無驚喜 料期算前23000附近波動(271026) (1).docx

大笨象業績無驚喜 料期算前23000附近波動 AI獨角獸Anthropic周一正式向美國證交會提交IPO申請，有望成為首家上市前沿AI實驗室，股份代號為「ANT」。受Anthropic提交IPO申請消息提振，市場氣氛改善，晶片股反彈。道指周一高開105點後，最多升405點，高見52620，收市升146點，報收52361。標指曾升1.03%，收市升53點或0.7%，報7676；納指升214點或0.82%，報26169。 Meta成功集資，公司宣布發行最多950億美元普通股及優先股，集資所得用於支持AI基建及個人超級智能(Superintelligence)發展，而Nvidia、AMD及博通同意共認購50億美元普通股。META成功集資，總算了咗件心事，至少短期再無集資壓力住，不過股價仲未識彈，阿Man另一個買盤630中埋，暫時均價640買返啲短炒貨，用個600做防守，630係條100MA，最好盡快上返去條50MA同5MA，大約係660-665水平。GOOG仲未識反彈，噚晚繼續腳軟，300個防守位岌岌可危，280條20周線唔穿得。SpaceX與私募基金阿波羅(Apollo)簽署價值約400億美元的晶片租賃協議，股價先跌2%後回順，收市回吐0.4%，151上咗車半注SPCX，140買盤繼續擺，暫時股價變化唔大，睇下係咪開始築底。不過，Tesla升5.2%，有行巴克萊銀行將其票評級上調至「增持」，認為特斯拉與SpaceX進行併購嘅可能性、自動駕駛的士Robotaxi業務增長，以及核心業務穩健實力，都令公司前景變得更好。INTC喺85加多一注後，短炒成本拉到90，噚晚股價升返4%，終於見家鄉。NBIS無乜起色，160仲係企唔到，繼續喺150水平整固，又唔多想走，但亦無膽再加注。DELL反而有得彈，雖然力度有限，但均價457.5撈返嘅短炒貨，盤中已上返條5MA同50MA，下一步當然係睇佢上唔上返10MA大約係478，目標係上返500樓上。MU均價870撈嘅貨，噚日見到900樓上，叫做上返條5MA同10MA，下一步睇住條5周線大約950，900開定個鐘仔，要繼續反彈，880-900要守好。MSFT無郁過，彈到去532啱啱好上返5MA、10MA同20MA，20MA喺527，呢隻495嘅短炒貨，係唯一今次調整浪裡面，無受過威脅嘅貨。之前810/820買過嘅LITE，全部喺850落晒車之後，股價隊到七彩，見上周五連750都穿埋，足足低咗落車價成百蚊有多，順手擺咗個720買盤，呢個位剛好係條50周線，兩日都無去過呢個位，噚日開市見守咗個開市價，784先買一注，再企埋800，上返5日線加多住806，均價795撈返，暫時上返818，短線博企好800彈返上10日線同100日線，即係840-870，最低限度望佢補晒個補裂口，上返裂口頂就826。 NQ今晚分水嶺29400，支持29300/29200/29100/29000，上方阻力29500/29600/29700/29800，若然收窄啲波幅，大約係29200-29600之間上落，等埋呢個星期聯儲局議息。美國10年期債息曾降3.51個基點，至4.9594厘，息口敏感嘅2年期債息則升3.8個基點，至4.72厘。美滙指數一度升0.25%至102.06，日圓挫0.5%至157.65兌每美元。加密貨幣「一哥」比特幣最多跌1.37%，至79279美元。布蘭特期油從近6個月高位回吐，一度跌2.33%至每桶114美元，收市報115.81美元，回吐0.78%；紐約期油挫1.46%，收報101.76美元。市場憧憬本周聯儲局維持息率不變，現貨重返4000美元之上，一度升0.86%，高見4029.87美元。 恒指昨日反彈，高開63點後，早段受A股影響，一度倒跌83點，低見23009，但守穩23000關後，A股逐步收復失地，恒指亦回復升勢，收市升118點，報23211，但成交只得1757億元，成交未能配合升勢，但北水已回復淨流入。暫時恒指總算重返日線保力加通道之內，目前底部為23080，要保持反彈，需一直於通道內運行，不能再跌穿通道底部。恒指高開48點，報23260點，升幅略為擴大至102點，高見23313後，又係A股抽後腿，港股亦轉跌，半日跌最多108點，低見23103，內地公布9月工業企業利潤按年增14.4%，跌勢逐步收歛。恒指半日收報23180點，跌31點或0.14%。大市半日成交886.85億元，北水淨流入15.51億元。成交又縮水，周四期指結算及本周超級央行周，缸邊友未敢輕舉妄動。中午大笨象(00005)公布季度業績合符預期，例牌10億美元一季額度嘅回購亦無驚喜，似乎市場要等埋英國公布預算案，睇下金融機構要加多稅，先知對大笨象有幾大影響。 由於周四為期指結算，開始進入轉倉高峰期，預期周四結算前，大市或於23000至23400附近上落進行轉倉，暫時23400為首個阻力。如能企穩23400，則有望回補上周下跌裂口23513-23620，成功回補裂口企穩23600，方有條件再挑戰10日線，即23800水平，但上方20日線即24032阻力更大。至於下方支持為23000，再失守23000則視後抽完成，回復跌勢，下方首個支持為上周低位22800，較大支持為22500-22600，不僅為今年6月低位，亦接近周線保力加通道底部，不容有失，22600亦為250月線，失守料先往22000尋找支持。