港股關鍵為23500能否守得住
2月23日，早上寒冷，多雲及有一兩陣微雨，下午部時間有陽光，早晚較清涼。俄烏局勢惡化，美股受壓，隔晚道指最多跌714點，收市跌幅收窄至482點；標指跌44點；納指跌166點。拜登發表講話，形容俄羅斯對烏克蘭嘅侵略正在開始，並公布對俄實施第一波新制裁，揚言將俄羅斯政府排除喺西方金融體系之外。佢強調，美國與盟友支持烏克蘭，而無論俄羅斯下一步做乜嘢，都準備團結一致作出回應。
美國向俄羅斯兩大金融機構，即俄羅斯國有開發銀行(VEB)及該行旗下的軍事銀行，實施全面封鎖；亦會對俄羅斯的主權債務實施全面制裁。除咗唔以喺西方再籌集資金外，亦唔可以喺美國或歐洲市場交易其新債。
睇返2014年發生的俄烏衝突，當時歐洲以外的股市很快便擺脫了地緣政治風險的衝擊，對美股的影響更是可忽略不計。不過今次有啲唔同，除咗今次潛在衝突規模可能遠超當年。再者，包括美國聯儲局在內，全球主要央行正步入加息周期，股市已非常脆弱，高估值嘅增長股已進入調整期，而地緣政治風險可能係壓垮股市的嘅最後一根稻草。雖然科技股喺過去一段時間已調整，但目前估值仍唔算平。喺最壞情況下，即俄羅斯全面入侵烏克蘭、歐美對俄國制裁升級，屆時將引發環球股市拋售潮，而風險溢價上升將打壓資產估值。
雖然俄烏局勢對港股直接影響有限，但當歐美股市震盪下滑之際，投資者避險情緒高漲，港股雖然估值不高，沽壓相對較輕，亦難獨善其身。加上內地外賣平台被勒令下調餐飲商戶服務費，縱使並非針對美團(03690)單一企業，但市場負面反應激烈，擔心新一輪監管風暴，以至科企龍頭需要進一步對小微企業讓利。內外利淡因素夾擊下，港股難免走弱，加上政治戰爭市消息反覆，後市難測。若然指未能企穩23500水平之上，後市將再考驗1月低位22700水平。一句講晒，港股好壞嘅關鍵，都係要睇住23500至24000呢個位。
古天后
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。
版權聲明:
本網站所載的資料（包括但不限於所有文字、數據或其他資料的匯編），除註明外，皆受香港特別行政區政府知識產權署的版權法條例所保護。D's Consultant Limited（包括文章作者）在任何時間皆持有本網站版權所有的權利，包括所有版權利益與其他知識產權。任何人如被發現有任何形式之侵權行為，本網站保留向侵權者索償或提出檢控之權利。詳情請向香港特別行政區政府知識產權署查詢。