【盤房來料】 恒指留意24500短線好淡分水嶺(170726).docx

恒指留意24500短線好淡分水嶺 隔晚美股偏軟，三大指數下跌。雖然台積電上調資本開支預測，但未能振奮市場，晶片股受壓。道指高開266點後，已見全日高位52924，隨後曾倒跌291點至52367；收市道指反覆下跌105點或0.2%，報52552；標指跌38點或0.51%，報7533；納指則跌387點或1.47%，報25881；費城半導體指數明顯下跌4.29%，報11867。雖然早前公布嘅通脹數據反映通脹未見惡化，但市場仍憂慮通脹持續高止，現貨金價一度急挫2.23%，跌穿4000美元。富達國際多元投資組合經理Ian Samson於彭博訪問中稱，推動長遠金價走勢因素維持不變，包括政府財政不穩及央行需求，今年1月至2月期間把黃金持倉減持至中性後，計劃未來重新增持，預計金價今年底前略為上升，到2027年某個時候重踏牛市。美國10年期債息曾漲5個基點，報4.595厘，對息口較敏感嘅2年期債息升4.2個基點，至4.1766厘。美滙指數最多漲0.34%，報100.83，日圓微跌0.22%，報162.55兌每美元。 納指最多跌近2%，重磅股中，Nvidia及Tesla股價收市分別跌2.4%和0.9%；SpaceX股價倒跌3.1%，收報131.11美元，為上市以來首次跌穿IPO發行價135美元收市。Google旗艦人工智能模型Gemini 3.5 Pro，據報發布計劃已經延誤數個月，GOOG插水，本來好地地，一個消息又打回原形，用個340做防守，唔食又打回原形，仲要坐艇幾蚊，今晚睇住幾條平均線都係340-370呢啲位，上唔返370企，340穿都要走佬。MU手多多890買返半注，結果係870止咗，依家望下去到820樓下，短炒止蝕都重要，呢個係阿Man炒股炒期堅守的第一大原則。DELL喺406同394撈返嘅貨，380止咗，又係手多累事。INTC走晒樣，就快到100MA大約係87，今晚睇下守唔守，暫時日線形熊都好醜怪，觀察住先，忍一忍唔咁心急。至於META食咗半670，另一半都望住幾條MA660，止賺放定喺640，短炒睇住呢個位做防守。KLAR無乜點郁，暫時保留，短炒倉都唔重貨，至少今日星期五買唔買貨就兩睇，盤前唔多手住，等埋九點半開市再算。NQ打爆咗個近日Range底29000，今晚分水嶺喺28800，支持28700/28600/28500/28400，阻力28900/29000/29100/29200。 港股昨日升勢持續，恒指高開後，雖然早段曾略為回落至24825水平，但好快再逆轉回升，午後升幅曾擴大至逾500點，一度高見25221，邁向100日線約25305前升勢回順，收市報25008，全日升327點，連升五個交易日，成交額3228億元，北水繼續錄得淨流入。不過期指則未能企穩二萬五關，夜期更稍為回落至24900水平，今早黑期跌穿24900水平，料今早大低略為低開。恒指由上月低位22518開始反彈至昨日高位25221，至今接近三個星期，已從低位反彈逾2700點，亦為5月高位26844回落至6月低位22518，整個浪段反彈黃金比0.618即25192，暫時已成功收復5、10、20及50日線，亦逼近100日線約25300。昨日恒指已升穿日線保力加道通頂部，但重越周線保力加通道中軸即20周線25116後未能企穩，主要因短線不少重磅成份股連同恒指已呈超買，料短線有機會先作整固，回測下方支持。加上內地宏觀經濟及企業盈利動力偏弱，港股要重越250日線即25700水平，或要靠中期業績有驚喜或更重磅國策出台，方有力突破。噚日提到港股雖然上到25000，但短線都開始超買，調整壓力大增。話口未完，今日就嚟個大單邊。恒指高開13點，報25022點後靠穩，最多升157點，高見25166，隨後淡友反擊，大市掉頭倒跌，臨近中午跌勢轉急，最多跌504點，低見24504。恒指半日收報24514，跌494點或1.98%。以上半場嘅走勢，咁樣穿返條50MA落到5MA，睇怕再落去試埋10周線大約24450同20月線24350機會大。短線睇住呢兩個支持位，因為亦係本周嘅成交密集區底24350-24450，失守就要回踩10日線24200，甚至30日線24000同20日線23700。都留意由5月高位開始回調後形成嘅下降軌頂部為24500，呢個係短線嘅好淡分水嶺，突破後正路要守，唔守有機會開始另一個調整浪，咁調整目標就係20日線左右，穿埋20日線，港股可能又要再次回復跌跌不休嘅苦日子。