【盤房來料】 市場對中東戰爭消息仍敏感 股市隨之表現反覆(250326).docx

市場對中東戰爭消息仍敏感 股市隨之表現反覆 國際油價昨日重拾升勢，加上市場重燃對私募信貸市場憂慮，美股周二再度受壓，道指低開108點後，跌幅擴大至最多438點，低見45769；標指曾回落0.85%，以科技股為主的納指一度下滑1.07%。紐約期油曾抽升5.9%至每桶93.36美元，令美股收市三大指數回落。美市收市，道指反覆回吐84點或0.18%，報46124；標指跌24點或0.37%，報6556；納指跌184點或0.84%，報21761；不過美股收市後，據以色列第 12 頻道消息：維特科夫與庫什納正致力於制定一項機制，以叫停與伊朗之間衝突；該協議框架類似於此前加沙與黎巴嫩問題嘅相關諒解協議。據維特科夫與庫什納正在制定的方案，即將宣佈為期一個月停火協議，將於為期一個月停火期間就15點計劃進行談判。因為呢個消息，國際油價於今早亞太區時段回軟，紐約期油重返90美元之下，美股期貨亦回升。不過有關中東戰事消息仍滿天飛，各地股市隨相關消息上落，估計呢幾日個市都會繼續反覆。 美股方面，阿Man都未有出手買貨，暫時呢個市況，keep得到個組合死唔去，守住先，理想係保持返五成現金。不過呢幾日一直留意住TSM，作為全球最大代工晶工供應商，TSM去到300-350呢啲位，其實又變得吸引，今晚再睇下個美股行成點，或者喺350樓下先撈一注，接近300-320再撈一注，用270-280做防守，暫時計劃係咁先。其他組合內嘅股份未有變動，ONDS繼續炒range，9.5左右買，8.8-9做防守，博又有11.5-12沽。至於今晚NQ個好淡分水嶺24300，支持24200/24100/24000，阻力24400/24500/24600。估計條10日線大約係24550左右會有阻力，企得返24600，咁上去試埋條20MA，彈到24750-24800阻力會幾大。至於下方就唔好再穿23600呢個大位，想保持到反彈24000呢個心理關口就好企得穩。 市場目前中東戰事消息仍然極為敏感，今早亞太區股市回升，美股期貨亦向上，港股乘勢高開。恒指高開216點，一度升326點見25390，可惜10日線又遇阻，半日升幅幾乎抺去，得返9點，報25072，250日線未企得穩。不過阿Man估計今日有望收市企返條250日線，完全回補周一下跌裂口後，企得穩25100條250日線，後市仍有機會挑戰20日線，即25550-25600水平。但反彈之路上方阻力重重，料短線大市仍會受中東戰事消息影響，表現仍反覆。留意反彈首個阻力為25350-25400，約10日線，下一阻力為25550約20日線。至於短線支持為24800及24700，即周一下跌裂口頂部，企穩24700料反彈持續，而重要支持為24500-25550昨日低位，一旦再跌穿24500，有機會再考驗24000大關，不過喺中東戰事有緩和跡象下，阿Man傾向周一港股或已見短期底部，除非戰況急速惡化，否則港股反彈之勢可持續。