【盤房來料】 港股反彈略嫌成交未能配合(290626).docx

港股反彈略嫌成交未能配合 上周五美股調整，道指低開116點後，跌幅擴大至最多305點，低見51614，收市報51876，回吐44點或0.09%；標指曾跌0.86%，收市微4點或跌0.05%，報7354；納指一度挫1.36%，收市跌幅收窄至60點或0.24%，報25297。不過一周累計，納指跌4.6%；標指跌2%，僅道指再創新高，升0.6%。 當炒嘅晶片股見沽壓， 美光科技(MU)股價回落6.7%，英特爾(INTC)及博通(Broadcom)齊齊跌逾3%。星期五又例牌無炒，MU最低見過1123，暫時未失防守位，10日線已上移至1092，順勢將個防守位拉高啲去1080，執得緊啲嘅，今晚企唔返條5MA即係1135，短炒無平貨喺底嘅朋友仔，或者要考慮撤退先，等佢回則10MA同20MA1035先再撈返。NBIS同樣無穿到230個防守位，但今晚再唔企250條20MA，都要小心。另一愛股MRVL，同樣守到240個防守位，但要更上一層樓，似乎要企返上去290，守返5日、10日同20日線先有機會。DELL暫時喺380-410之間上落，380個防守位險守，都係嗰句，要盡快上返幾條短期平均線，即係要企返420蚊先有得搞，否則只係高位震盪整固，唔知喺個380-410玩幾耐。INTC暫時同DELL差唔多，似乎都係高位震盪整固，企返上去130樓上行會安心啲，否則都係喺條20MA即120附近上落，110呢個位唔穿得。KLAR終於見到20，附守位推上去18.8。 至於NQ甩咗一日無炒，星期五晚炸到落去29200附近喘定，今晚個分水嶺喺29400，支持位29300/29200/29100/29000，反彈阻力29500/29600/29700/29800，窄少少就睇29200至29600先，有四百點炒下上落都夠玩。 恒生指數自5月15日起計，已連跌六個星期，由5月中高位計26844跌至上周五低位22518超過一年低位，跌逾4000點，當日收市略為反彈至22671收市，全周累挫1253點。目前以去年4月低位19260低位至今年1月高位28056計算，已跌至黃金率回調0.618即22620水平，由去年起步計算慢牛升浪防線已全面崩潰。不過恒指已連續九個交易日以陰燭收市，奇怪係對上五個交易日，藍籌股卻有超過兩成股份上升，同時北水按周錄得近89億元淨流入，恒指反而有機會於本周開始反彈。然而，反彈之路卻阻力重重，即使今日港股跌隨周五晚夜期及ADR反彈，黑期今早於29000-23000水平徘徊。恒指今早高開155點，曾於 22800水平附近爭持後，好友突然發難，恒指愈升愈有，早市尾段最多升511點，高見23183。恒指中午收報23153，升482點或2.13%。半日成交1729.26億元，北水淨流入7.2億元。以成交計就唔多配合半日嘅升幅，不過走勢上至少無再高開低走，而係高開慢上，有機會可以形成一個反彈浪。 不過目前牛熊證街貨仍然全面傾斜，以目前恒指約1000點水平內計算，牛熊證街貨仍誇張地以93%對7%比例姿態出現，不排除略為反彈後，港股延續弱勢，持續向下尋底，要留意住牛熊證行貨變化。7月踏入業績期，港股於五窮六絕後，能否七翻身，取決於重磅股於業績公布後，能否再吸引資金回流。如港股持續未見資金重新吸納重磅科技股，ATMJX等股份維持疲弱，則港股神仙難救。短線反彈首個阻力為5日線約23200水平，而期指條5日線已下移至約23113，下一阻力為23650-23700即10日線附近，亦為去年4月低位升至今年1月高位黃金比0.5水平，最低限度大市需企穩10日線，反彈才有望延續。下方支持為上周低位約22500水平，亦為250月線22440之所在。下一支持為22000心理關口，不過大市一旦失守250月線，恐怕較大支持為21200-21300，即約250周線。