【盤房來料】 債息高企資金逃離股市(290926) (1).docx

債息高企資金逃離股市 美國總統特朗普拒絕伊朗提出重開霍爾木茲海峽建議，國際油價一度大幅上漲，環球債息亦回升，拖累美股周一受壓，道指曾跌逾400點；道指低開180點後，跌幅擴大至最多418點，低見51409，收市道指仍跌347點或0.67%，報51481；標指回落59點或0.77%，報7683；納指跌248點或0.92%，報26820。貴金屬沽壓大，現貨金價最多急跌4.06%至4111.01美元，現貨銀價更曾瀉5.61%，低見60.7美元。 紐約期油一度抽高4.47%，每桶高見96.54美元，布蘭特期油一度升4.32%至108.83美元；隨後彭博報道，沙特阿拉伯由東部油田通向紅海東西管道(East-West Pipeline)完成修復後已恢復原油輸送，每日達350萬桶，為總量容一半，但侵侵未有同意伊朗開通霍爾木茲海埉條件，消息令油價反覆，紐油一度倒跌1.26%至91.25美元，收市轉升0.2%報92.6美元，布油反覆漲0.92%，收報105.28美元。不過債息都幾嚇人，美國10年期債息一度抽升9.2個基點，報5.279厘，創2007年以來新高，30年期債息升見2004年以來高位，報5.581厘，漲7.9個基點，對息口較敏感嘅2年期債息抽高8.7個基點，至4.951厘。德國10年期債息升上2009年以來高，日本、澳洲及南韓債息亦向上，環球債息趨升。 重磅股個別發展，NVDA加碼回購1500億美元，股價逆市升1.7%，七雄之中表現最好。阿Man個短炒倉，噚晚集體腳軟，META失守750後，非但阿Man手上735買嘅半注貨即時坐艇，715個GTC買盤中埋，夜盤進一步落到712，今晚上唔返720，企穩條10MA，可能要減一減磅。MU噚晚開市上過1084，但5MA企唔住1075，又無決斷啲先落車，其後盤中落到1032，但見條10MA守到，仲未落車，暫時股價喺1050徘徊，唯有今晚再睇睇，明晚收市後MU公布業績，若然今晚回到1000邊條20MA，反而想接多注博業績，今晚開咗市再作定痔奪。至於DELL仲有兩注貨550同535，暫時險守20MA，今晚上唔返550，可能又要減返半，去到500邊先再接貨。NBIS同INTC尚算企到防守位，但短炒之前有10%利潤係應該食一半套利先，唯有今晚再睇睇，上星期都不斷提醒自己，債息高企，短炒唔可以太貪心，結果有糊唔食，真係罪大惡極。AVAV就真係同阿Man相沖，150企唔返，158嘅半注決定跳車，149開市就車落去，無啦啦擺低接近成千美金。阿Man對MRVL一向有情意結，雖然噚日都跟個市落咗3.8%，但守到248條10MA，持有住先。MSFT同GOOG係打算睇長線少少，兩股抗跌力尚算唔錯，繼續持有。至於NQ噚晚穿咗個分水嶺，盤中落到30350附近先彈，比起阿Man推算嘅支持位仲要跌多100點，夜盤喺條10MA附近爭持，30450就變成今晚個分水嶺。NQ分水嶺30450，支持30350/30250/30150/30050，阻力30550/30650/30750/30850，唔覺意又落返一級。 港股昨日反彈，恒生指數高開高走，一度升257點見24767高位後，升勢回順，收市升幅收窄至132點，報24642，結束三日跌勢，成交額則只有1774億元，不過北水將於本周五開始放假，趁港股反彈，北水大手減貨，錄得淨流出66億元，終止連續14日流入。今日期指結算，而周四為國慶日假期，料今明兩日港股未必有太大變動，但北水噚日大手沽貨後，今日半日反而錄得淨流入10.3億元，只可惜半日成交額只有909.11億元，北水嘅少少助力，當然無法扭轉港股弱勢。恒指高開6點，報24648，開市即插水，開市價已經係半日高位，半日幾乎無乜點彈過，最多跌177點，低見24464，跌穿24500水平，半日收報24486點，跌155點或0.63%。 今日期指結算日，大戶就連托住個市都慳返，明日月結及季結日，如果喺24500水平樓下結算都幾難睇。恒指上周五日線呈針底形態，噚日順勢反彈，不過反彈卻明顯受制10日線約24750水平。今日連24500都穿埋，再落去考驗本月前底24200機會都幾大。至於反彈方面，相當乏力，10MA企唔到，就連噚日補完個裂口之後，24600亦失守，上面20MA同100MA，即24900-25000水平，暫時都無乜希望上得返。而上方50日線，即25400水平，如成交未能配合，更加遙不可及。相反，今日再失守24500，下一支持24200-24300，失守則下試23900-24000料有較大支持。