【盤房來料】 油價高企美匯指數轉強對新興市場不利(300326).docx

油價高企美匯指數轉強對新興市場不利 特朗普早幾日表示，暫停打擊伊朗發電廠及能源基建，以便雙方進行談判，並將再攻擊期限延後10日至4月6日，但伊朗再有核設施及鋼鐵廠受攻擊，市場不安情緒升溫，唔少人更指特朗普所謂暫停攻擊，只係權宜之計，此舉僅為美軍再進中東部署更多兵力，以便隨時進行地面戰作準備，加上美長債息攀升，美股上周五顯著下跌。道指周五曾跌896點低見45063，收市仍要跌793點或1.73%，報收45166；標指跌108點或1.67%，報收6368；納指跌459點或2.15%，報收20948。睇返整個投資組合，短炒部份幾乎全線炒粉，全部都失守短線支持，遵守短炒紀律下，都要撤退先，不過TSM就到咗上車位，但上星期五晚兵荒馬亂，加上唔少短炒貨都打咗 都係無出手買貨。今晚打算吼住TSM，睇下300至320附近有冇位上車，用返個290做防守。至於其他股份，短炒嘅已經喺星期五一開市就止蝕咗，雖然今晚有機會反彈，但守住個中線投資組合，留返部份現金，等個市況穩定返，再入返場短炒都未遲。至於NQ都幾樣衰，上周五講過23600一穿嘅話，納指跌勢會加劇，結果當晚一穿23600就急跌，仲穿晒今年個低位。今朝個NQ喺亞洲時段曾低見23093，不過有消息指已有20艘船成功通過霍爾木茲海峽，無論道指或納指都見反彈，暫時彈返上23300水平。今晚納指個分水嶺喺23250，支持23150/23050/22950-22900。上方反彈阻力23350/23450/23550-23600。睇嚟個23600由短線支持變阻力，而23800-23900阻力更大。 上周初港股於中東局勢升溫下急挫，恒生指數一度跌至24203逾八個月低位，雖然周中曾因特朗普表示暫緩對伊朗軍事行動以便雙方進行談判，恒指一度連續兩日反彈，但伊朗態度強硬，港股再度回軟，周五收市仍無法企穩250日線，報收24951，一周累計跌326點或1.28%。至周五晚上油價再度急升，紐約期油重上逾百美元一桶，當晚美股三大指數顯著下跌，拖累夜期及ADR回軟，今早黑期已跌穿24600水平，今早港股裂口低開。恒生指數低開419點，跌幅一度擴大至542點，低見24409，但未有再下試上周一低位，其後有買盤趁低吸納，半日跌224點或0.89%，報24727。半日成交額1548億，由於本周五開始放復活節及清明節長假，估計市場積極性將減低，成交額唔會太活躍。加上美匯指收重上100大關，對新興市場構成壓力，料整體投資氣氛變得審慎。 目前，環球資本市場仍由中東局勢主導，目前美伊雙方談判並沒有任可進展，因雙方均提出多項對方必然拒絕嘅談判條件。《華盛頓郵報》引述美國官員報道，國防部正為處伊朗進行數周地面軍事行動作準備，若特朗普選擇升級行動，戰爭將進入更危險新階段。不過，今日為期指結算日，而明日為月結及2026年首季季結，恒生指數連跌四星期後，已全數蒸發年內升幅，去年收市位為25630，今明兩日似乎難以重返此關之上，除非中東戰事有突破性正面發展。 目前市場焦點仍為中東戰事，市場普遍預期戰事可於4月內緩和甚至結束，能否實現與否，將決定港股能否於第二季起死回生。留意今日大市低開後，能否重返24700水平，有機會因期結關係，港股未必大幅下挫，今日有機會守於24500。不過，結算過後如中東局勢持續惡化，或油價繼續高企，恒生指數一直未能重返250日線水平，即25100的話，港股有機會再度向下尋底。 留意本週重要支持24400/24200，跌穿24200下方支持為23800/23500。反彈阻力方面，24900/25100，除非重返25100之上企穩，才有機會脫險。至於要扭轉目前跌勢，至少要重上20日線即25500水平，再修復50日及100日線，方能重拾升浪。