50天線唔係咁易過
隔晚美股休市，市場開始討論聯儲局下任主席人選，鮑爺能否連任或換人接替，對市場會有乜嘢影響，甚至令高企嘅美股出現震盪。至於港股反覆向好，中國8月進出口數據好過預期，港股上日重返二萬六關後，今早再度走高，不過暫仍受制50日線(26621)，呢個位唔係咁易過。
恒指高開43點報，開市無耐倒跌28點，見26135點半日低位，其後見有買盤吸納，大市止跌回升，曾升279點，見26443點半日高位，為8月16 日以來新高，但臨近午市升幅縮咗半。恒指半日收報26322點，升158點；國指中午報9452，升81點；科指升1.56%，報收6884。
ATMX今日生猛返，美團(03690)跟騰訊(00700)半日分別升4.5%及2.7%，已為恒指貢獻151點。阿里(09988)慷慨解囊，向國家貢獻一千億後，股價終於識得升，仲重上170元水平，企穩下個目標當然睇返180元。小米(01810)半日升得0.6%，呢排表現算落後，不過調整時亦無跌得多，咁彈力自然亦無咁強。海底撈(06862)反彈逾半成，係半日最大升幅藍籌股。至於兩大金融股大笨象(00005)同友邦(01299)腳軟，半日分別跌0.5%及0.8%。
中央公布《全面深化前海深港現代服務業合作區改革開放方案》，包括將前海合作區總面積，擴大逾7倍，至120平方公里，深圳概念股造好。相關深圳概念股做好，不過但凡地方概念股炒作短癮，之前鴻安概念又係炒一陣無影，莫過話炒一兩日，呢啲股真係過夜都怕贏變輸。
內房股幾乎全線下跌，恒大(03333)相繼被唔同券商跟評級機構踐踏，今日輪到高盛將其評級下調至沽售，彭博報道指出，恒大流動性危機恐怕將會惡化，令市場憂慮，拖累中資美元垃圾債遭重創，估計有可能推高內房的借貸成本。佢都算一股累全家，恒大系全線下跌之餘，其他內房股都慘遭連累。成個板塊忽好肉，隻隻內房股都跌，跌幅由0.5%至3%不等。暫時內房股都唔慌有運行，呢個板塊暫時可以不理。
電力股亦見回吐，畢竟炒咗咁耐，累積升幅唔嘢少，講咗再睇好呢個板塊嘅中長線前景，都咪高追，至於有心想買，阿Man回揀今日都唔多肯回嘅華潤電力(00836)。只係要揀過靚位切入唔容易，除咗分段買貨，想參與呢啲累積升幅巨大嘅股份，就只有就住自己荷包，嚴守止蝕。
麥狄文利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。
版權聲明:
本網站所載的資料（包括但不限於所有文字、數據或其他資料的匯編），除註明外，皆受香港特別行政區政府知識產權署的版權法條例所保護。D's Consultant Limited（包括文章作者）在任何時間皆持有本網站版權所有的權利，包括所有版權利益與其他知識產權。任何人如被發現有任何形式之侵權行為，本網站保留向侵權者索償或提出檢控之權利。詳情請向香港特別行政區政府知識產權署查詢。