【盤房來料】 港股50及100日線企穩與否有待觀察(150426).docx

港股50及100日線企穩與否有待觀察 雖然美伊於過去周末期間談判未有達成協議，但美國總統特朗普於周二接受電話訪問時表示，美伊談判可能喺未來兩日恢復，市場憧憬美國與伊朗新一輪談判有助化解衝突，國際油價大幅回落至90美元水平左右。而美國最新通脹數據未如預期嚴重，美股周二持續向上，AI相關股份再受追捧，美股三大指數上升。道指高開53點後愈升愈有，道指收市升317點或0.66%，報48535；標指再升81點或1.18%，報6967；納指升455點或1.96%，報23639。費城半導體指數連續五個交易日創歷史新高，周二再升2.04%，報9224。 噚晚ALAB進一步攀升至170美元水平，仍撚持貨未走，再將個止賺企推至160美元，睇下有冇再高少少。CRWV因為都唔係買得特別平，買入價103美元，將個防守價推高少少去100美元，等埋個120至130美元目標價，但短線有少少超買，或者要抖抖。ONDS仲係吽吽逗逗咁，但有信心可以上返11-12美元，唔介意再坐一會。TSM向住400美元目標出發，優質股當然放心持貨。NLFX仲未買到貨，唯有set高少少，100-105美元都要買返注，合理價116至118美元，都有超過一成水位，唯有呢兩日睇有冇短線超買博下回調上車。NQ嘅爆炸力真係估佢唔到，以為25800-25900都有阻力，結果一躍而過，上埋個26000，今日NQ個分水嶺係26000，支持25900/25800/25700，阻力26100/26200/26300，由於唔少股份短線超買，今晚個NQ未必再1%/2%咁升，反而睇會唔會有啲回吐，但唔會預太大幅度回調，傾向喺高位進行整固，25800就由阻力變支持。 噚晚美股三大指數上升。港股於夜期時段隨美股做好，ADR按比例計升逾200點，高見26100水平，今早於黑期指段持續做好，進一步升至26200水平。今早港股將裂口高開295點，一度升344點見26216半日高位，一舉重越50及100日線。不過由於裂口開高再度出現逾百點裂口，結果半日升幅收窄至197點，報26069，企唔穩條100日線，剛好喺50日線呢個位。估計下半場有機會再回多少少，甚至補埋個上升裂口，即係去返26000邊左右。但喺外圍市場亦向好下，估計短線26000水平有初步支持，若然26000企唔穩，咁25900/25800呢啲位都有一定支持力度。如筆者所言，美伊戰爭消息對資本市場影響持續減退，而美伊雙方願意停火並展開談判，即使談判過程仍需時，但各地股市已從戰爭中嘅泥沼中擺脫，回復上升勢頭。若然恒生指數重返50及100日線後，能企穩三數個交易日，進一步向上挑戰大型頭肩頂頸線即26300，亦為目前日線保力加通道頂部，如能企穩，保力加通道將向上打開下一目標為26500-26660，料初步於26500-26600水平有阻力，企穩則續後邁向27000水平，並再展開新升浪。短線恒指支持26000/25800/25600，阻力26300/26500/26800。