【古天后日誌】 恒指衝破50日線暫企25000(160726).docx

恒指衝破50日線暫企25000 光刻機巨頭艾司摩爾(ASML)業績唔錯，不過市場對AI行業前景仍有疑慮，資金從AI股份流出，晶片股噚晚插水，但傳統大型科技股受捧，納指七雄除Tesla外，普遍上升，資金轉炒老登股。最新數據顯示美國通脹壓力較市場預期溫和，除晶片股表現較差外，美股反覆做好。道指收市報52658，升150點或0.29%；標指升28點或0.38%，報7572；納指升162點或0.62%，報26269；費城半導體指數則回落2.08%。SpaceX首度跌穿135美元首次公開招股(IPO)發行價，拖累TSLA下跌，納指七雄中，只有佢表現較差。餘下納指六雄全部向上，阿Man倉底早已集齊一套，手上嘅倉底，大多數係免本貨，不過GOOG、AMZN同MSFT就較遲上車，雖然有平貨倉底，但短炒暫時未做到令倉底貨完全免本。MSFT短炒貨成本388，等到頸長終於識得郁，暫時上到100MA爭持，睇有冇機會老登股炒風再起下，重上250MA大約450，短炒防守位繼續用370。INTC出咗神奇九轉，但行完九轉都識彈，不過現價同阿Man買入價又無差太遠，用個98嚟做住防守，短炒嘅睇有冇反彈去返108-115左右。阿里巴巴(09988)稱旗下千問AI將整合至蘋果智能系統中，供中國用戶使用；GOOG同AMZN跟齊齊升3%，356上車嘅GOOG等咗成個月，終於識行，暫時用個340做防守，持貨等佢行返斷上去400邊。老登股落鑊，阿Man嘅一對短炒派米孖寶，MU噚日盤前減咗半1000，見上面幾條MA影都無，其後再順手擺個970止賺，一開市就插水止賺。由於噚晚世界杯，順手見MU落咗咁多，吼佢企返880，又忍唔住喺890買返半注，但信心一般，圖表嚟講真係唔應該多手住，一旦跌穿870就要插深啲，皆因成個頭肩頂出咗嚟，暫時未穿870就再試下，睇係咪880-1020左右上落。DELL本來推咗止賺去430-440，諗諗下都係450走人先，盤中見急跌一成，又試下喺406同394買返，睇一兩日上唔上返幾條MA，防守住繼續睇住380，大約係自己個買入價5%左右。KLAR仍然持有，至於META嘅短炒貨582仲有一半未走，608嘅走咗670，手上嘅短炒貨，睇實條250MA大約係662，同5MA喺660，望佢企定定。NA今晚分水嶺29700，支持29600/29500/29400，阻力29800/29900/30000。 港股昨日升勢持續，恒指高開210點，午後一度升幅擴大至逾400點，但50日線前遇阻力，收市升340點，報收24681。不過成交額3042億元，未能完全配合升勢。至夜期時段，升幅進一步擴大，夜期曾逼近25000水平，高見24958，其後升勢回順，回落至24800水平，今早黑期亦於24800水平徘徊。恒指今日預高開，再度挑戰50日線。踏入7月份以嚟，由於市場對人工智能AI股前景疑慮增加，資金正逐步流向傳統科網股及生科股等，支持恒指由上月低位持續反彈。恒指高開143點，開市報24841，一開市已打爆條50MA約24800，開市後持續高開高走。好友受咗兩個月屈辱，踏入七月開始復仇，逐條平均線收復，半日升幅擴大至最多507點或2.1%，高見25188，半日收報25157點，升476點或1.93%，午後有機會再向進攻熊證重貨區25200。國指升185點或2.26%，報8369點；科指跑贏，漲145點或3.08%，報4886點。大市半日成交1780.51億元，北水淨流入37.17億元，北水流入速度有減慢，而半日升交未見價量升。加上港股自6月底位反彈至今，已累計反彈逾2000點，今日即使成功挑戰50日線甚至25000關，短線調整壓力已增加。如恒指於短線超買下調整，下方首個支持持就係睇今一日開市就打爆嘅50MA，下一支持為5日線約24500水平，亦為之前已突破嘅下降軌頂部，突破後成短線支持。下方更重要支持為10日線約24100水平，而20日線約23739，後市要保持反彈，23700支持不容有失。