中資外資對著幹 散戶離場保平安
4月17日，部份時間有陽光，日間天氣炎熱。上周五美股表現反覆，早段因為銀行股業績大幅超預期，美股全面高開，但因為零售數據疲弱，市場又重提經濟衰退，令美股轉升為跌，三大指數下跌。道指跌143點；標指跌8點；納指則跌42點。美股表現繼續反覆，即使多項經濟數據，包括CPI及PPI均利好市場，又或銀伒股業績挳理想，美股都係高開走走，反映現水平資金唔多願意高追，靜待機會趁低吸納。
銀行股業績理想，主要係利率上升令息差擴闊，收入增加，值得留意係大銀行存款利率仍維持低位，若非3月出現小中型銀行危機，存款流入大銀行，大型銀行嘅存款先至錄得正長，否則如摩通呢類大銀行，有機會出現連續三個季度存款流失。而銀行貸款持續下降，一來係需求減炒，二來係銀行喺3月銀行危機後變得更為保守，寧願多留現金以防突然出現擠提。為咗吸引更多存款，大型銀行已見提高存款利率，面對存款大量流失嘅中小型銀行，睇怕未來幾季息差收窄壓力更大，要待下半年或第四季開始減息，情況先會有好轉。3月中小型銀行危機，地區銀行面對存款流失，大大減少對中小企貨款，零售數據下跌亦反映裁員潮下，已影響民眾消費力，
至於中國呢邊嘅經濟數據，表現睇落好唔錯，3月出口總值同比增長23.4%，環比增長48.4%，有加快跡象。連帶集裝箱運費也開始回升，中國出口主要是對東南亞貿易增加，不過對歐美仍下跌，估計係以上游的原材料或半製成品居多。進口貨值同比只增長6.1%，環比增加15.9%，跟出口唔多配合，上游主要是國企受惠較大，下游為主嘅民企仍然死死下。不過A股卻先行炒上，源於市場對經濟嘅強預期，至於實際表現如何，仍有待觀察。
至於港股已經一段時間喺19800至20800之間徘徊，內地資金努力掃高中字股托市，但那邊廂外資卻一直減持重磅股。尤其喺未見熱錢流入下，港股成交淡靜，市場氣氛未能扭轉，缸邊友已無心戀戰，選擇離場。上周五美股先跌後回落，ADR亦回吐逾百點至20300水平。港股仍然係一池死水，唔上唔落，阿爺努力興建，外資則盡情破壞，盡管唔同企業不斷發放利好消息，但外資更積極減持套現，擺明同阿爺對著幹。大戶對戰，我哋呢啲散戶倒不如隔岸觀火，少做少錯。
古天后
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。
版權聲明:
本網站所載的資料（包括但不限於所有文字、數據或其他資料的匯編），除註明外，皆受香港特別行政區政府知識產權署的版權法條例所保護。D's Consultant Limited（包括文章作者）在任何時間皆持有本網站版權所有的權利，包括所有版權利益與其他知識產權。任何人如被發現有任何形式之侵權行為，本網站保留向侵權者索償或提出檢控之權利。詳情請向香港特別行政區政府知識產權署查詢。