京東物流再掀新股熱潮言之尚早
5月28日，大致天晴，早段有一兩陣驟雨，天氣酷熱。美股隔晚個別發展，道指升141點；標指升4點，納指跌1點，表現牛皮。隔晚美國公布就業數據，首次申請失業救濟人數降至40.6萬，為連續第四周下降，少過市場預期的42.5萬。另一方面，首季GDP及美國4月商業設備訂單表現，反映經濟持續復甦。雖然數據表現甚為強勁，但市場消化咗強於預期嘅勞動力市場數據。
久違咗嘅新股熱潮，被今日開始掛牌嘅京東物流(02618) 股價及相關新聞 炒返熱，京東物流噚日暗盤表現唔錯，收市最升幅近三成，預期今日股價可高開，但股價能否一如上年底上市嘅快手(01024) 股價及相關新聞 錄得較招股價以倍數升幅，似乎有啲難度。若然今日能重見到噚日暗盤高位已算唔錯。其實新股並無往績可尋，有幸抽中首掛上升嘅IPO，視乎首掛當日表現，如能高收尚可以keep住睇多一兩日，若然高開低走，即使未能把握到高位食糊，建議首掛當日都係有食該食，免得夜長夢多。京東物流能否再掀起另一次新股熱潮仍要觀察多一段時間，重點係上一個新股熱潮主題都係新經濟股為主，喺通脹威脅下，增長型股份或因利率趨升，侵蝕未來現金流的價值，估值具下調風險。喺少咗高增長股份上市後可瘋狂炒高嘅情況下，今年新股吸引力自然大不如前。
而港股連日受內地股市上升推動下，已逼近29300巨大阻力位，要突破阻力需要成交配合，但暫時又未見成交真正配合到，至怕係連日指數推高至今日期指結算，有機會結算過後，喺6月初先作回吐，整固後再配合成交再作突破。今日星期五少做少錯，想買貨不如先忍忍手，待下星期結算後謀定而後動。
古天后
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。