內房股需時消化房產稅負面影響
10月26日，大部份時間有陽光，氣溫略為回升，天晴。美股隔晚做好，三大指數齊升，道指跟標指齊創收市新高。市場關注大型科技股即將公布業績，有分析預計標指中嘅科技公司三季度營收增速約19%左右，跑贏該指數成分股平均水平，但呢啲企業收入增速，預期第四季度開始放緩。數據顯示，目前已公布財報的117家標指成分公司中，84%盈利超出預期。市場普遍預計標指成分股第三季度嘅利潤增長率將達35%。
美股聚焦業績，港股亦然，雖然美國10年期債已重上1.7厘水平，已聯儲局於11月宣布減少買債已無懸念，不過市場普遍認為低息仍持維持一段時間，尤其係通脹趨升嘅情況下，一日未加息，一日都要搵啲資產去抵抗通脹，資金自然流入股市。而美國已公布第三季業嘅企業表現普遍理想，就算目前供應鏈瓶頸及勞動力短缺仍在隱憂，但資金仍積極流入美股。
港股呢邊嘅個股跟炒，好似比亞迪(01211)跟隨Tesla破頂，大笨象(00005)早前仍隨美國金融股炒上，呢個星期留意大型科技股公布業績，如果美股嘅Facebook、Alphabet、微軟、亞馬遜和蘋果公司等，因績佳而炒上，唔排除港股呢邊嘅重磅科技股亦追隨，不妨重新關注日ATMX等重磅科技股。
至於內地正式通過動房產稅試點，以前有消息指中央推動房產稅遇到不少阻撓，市場正期望房產稅短期難實現下，惟突然推出，令本來反彈緊嘅內房股再度走弱。暫時市場需要消化房產稅對內房股嘅負面影響，但長線嚟講，內房股現水平已見吸引，不妨留意財政況較健全，及具央企及國企背景嘅龍頭內房股，呢類內房股又唔使太過擔心。
指數仍然喺26000水平整固，雖然低位有承接，但二萬六樓上追貨意欲有限，而大笨象(00005)噚日交出一份超於預期嘅業績，兼宣布回購計劃，都未能吸引資金再流入。即係之前大笨象嘅升幅已偷步炒業績。如此一來，嚟緊公布業績嘅重磅股，要炒上理應係業績前，而非業績後，有心炒業績亦需注意。
古天后
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。
版權聲明:
本網站所載的資料（包括但不限於所有文字、數據或其他資料的匯編），除註明外，皆受香港特別行政區政府知識產權署的版權法條例所保護。D's Consultant Limited（包括文章作者）在任何時間皆持有本網站版權所有的權利，包括所有版權利益與其他知識產權。任何人如被發現有任何形式之侵權行為，本網站保留向侵權者索償或提出檢控之權利。詳情請向香港特別行政區政府知識產權署查詢。