全球央行收水恐成各地股市爆泡導火線
9月13日，部份時間有陽光，間中有幾陣驟雨，日間天氣酷熱。上周五美股下，三大指數跌約0.8%，市場憂慮收水隨時殺到，加上變種病毒繼續肆虐，影響市場氣氛。近期愈來愈多大行對美股前景發出警告，指部份迹象顯示美股持續的漲勢或屆尾聲，包括道指已連兩個星期，仲有標指已經連續34日未見過升幅達1%，持續時間係20個月以嚟最長。而大摩嘅數據顯示，自今年5月以嚟，超過一半標指成分股股價自高峰累跌最少10%。中小型股表示更差，主力反映小型股表現嘅羅素2000指數中，已有90%成分股調整一成，而且跌勢未止。大摩美股首席策略師表示，大型科技股無可能長期持撐大市，美股有幾會進入估值收縮階段，通常會係最脆弱嘅板塊先下跌，其後蔓延至最穩健的企業，呢個過程佢形容為「滾動調整」，並相信會喺短期內發生，導致美股出現10%調整。德銀嘅首席策略師亦警告，美股出現估值修正嘅風險增加，因為今次復甦期間，市盈率下調速度緩慢又唔平均，喺過去12個月盈利計算嘅標指市盈率，自去年疫情約14倍低位幾乎倍翻27倍。雖然今年企業盈利增長令市盈率回落至23.1倍左右，但仍較歷史平均區間高15%。除咗企業盈利表現影響美股估值之外，聯儲局貨幣政策當然左右美股，而今個星期將公布美國8月CPI，呢個數據將左右聯儲局最快喺9月會議宣布縮減買債，抑或等到11月會議再採取行動。不過無論點都好，聯儲局收水已成定局，只係時間問題。美國銀行報告顯示，今年以來，全球股市資金流入已超過1萬億美元(約7.8萬億港元)，唔單止創歷史新高，更超出過去20年總和。MSCI世界指數由舊年3月全球疫情爆發低位反彈近一倍，反映全球映行齊放水下，市場資金泛濫形成資產泡沫效應。不過喺全球經濟復甦，通脹升溫下，全球央行不得不開始收水，推動貨幣政策正常化。只係喺變種病毒肆虐下，經濟復甦出現變數，通脹更有可能演變至滯漲，屆時央行嘅收水行動，恐怕會成為全球股市資產泡沫爆破嘅導火線。
古天后
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。
版權聲明:
本網站所載的資料（包括但不限於所有文字、數據或其他資料的匯編），除註明外，皆受香港特別行政區政府知識產權署的版權法條例所保護。D's Consultant Limited（包括文章作者）在任何時間皆持有本網站版權所有的權利，包括所有版權利益與其他知識產權。任何人如被發現有任何形式之侵權行為，本網站保留向侵權者索償或提出檢控之權利。詳情請向香港特別行政區政府知識產權署查詢。