反壟斷法下中科巨頭暫難有運行
12月28日，天晴，乾燥，天氣和暖，不過後日開始氣溫急降，大除夕更跌至10度樓下。美股聖誕節假期前做好，上周四三大指數上升，市場似乎未有理會美國疫情嚴峻，即使侵侵唔肯簽署已通過嘅新一輪刺激經濟方案，市場認為法案已得到參眾兩院大比數支持通過，侵侵要扭計亦無用，拜登下月中接任新一屆總統後，將盡快簽署通過刺激經濟法案。除咗刺激方案通過之外，英國跟歐盟亦已達成脫歐協議，掃除一大不明朗因素，市場氣氛維持樂觀。
不過港股就未必咁好環境，皆因阿爺對阿里(09988) 股價及相關新聞 仍然窮追猛打，就反壟斷調查再被監管機構約面談，不過公司公布董事會已授權增加本公司的股份回購計劃總額，由60億美元增 加至100億美元，回購計劃為期兩年(至2022年底)。公司已於本季度開始執行該股份回購計劃。上周阿里股價已仆直，預期股價進一步跌穿240元水平後，去到200至220元應該有啲支持。至於其他幾個科網巨頭，包括騰訊(00700) 股價及相關新聞 、美團(03690) 股價及相關新聞 及京東(09618) 股價及相關新聞 呢個星期內應該可以搵到個支持位。暫時睇返騰訊牛證重貨區大約喺545至549.5，相信其股價落到呢個位殺牛之後，可以停一停搵到支持；至於美團最近一個重貨區喺260至269元，換句話講，殺牛落到260又差不多；至於京東牛證重貨區喺310-315元，下一個重貨區喺300至305元，即係京東最盡落到300已殺清牛證重貨區。
對於目前仍持有幾件科網巨頭嘅缸邊友，嚟到現水平先去打靶似乎已遲咗一步，依家先嚟減貨真係遲咗啲，咁掉返轉未買嘅上唔上車好，上一段古天后已清楚列出JATM嘅牛證重貨區，殺光牛證重貨區後，股價就算唔識反彈都有支持，要撈貨都係睇住嗰啲位。
阿里搞到咁大鑊，其他中科企今個星期唔慌有運行，而呢個禮拜只有三個半交易日，加上受內地相關監管政策所影響，呢幾日交投偏淡靜，唔會有乜嘢方向。恒指暫時都係上上落落，維持喺26000至26800之間區間移動，喺下月中美國總統交接之前，大市難有突破。至於近日受資金歡迎嘅新能源及內需板塊仍有炒作，尤其係內地科網巨頭受反壟斷法困擾下，資金短期唔會大規模切換板塊，相關股份受市況影響見震盪，係撈貨好機會。
古天后
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。