大笨象年息率遜內銀不值博除淨前買入
8月12日，大致天晴，早段有幾陣驟雨，局部地區有雷暴，天氣炎熱。隔晚美國公布7月消費物價指數(CPI)按月升0.5%，合符預期，較一個月前0.9%放緩，按年升5.4%。通脹有放緩甚至見頂跡象，有助緩解聯儲局收水壓力，隔晚美股向好，道指跟標指再創收市新高；但納指則下跌，主要係早前炒到出煙嘅疫苖股，被指估值從不合理變成荒謬，拖累整個板塊急跌，普遍跌幅一成以上。
港股逐步走出內地監管風暴陰霾，科技股開始反彈，恒指已先後收復10日(26306) 股價及相關新聞 及20日(26642) 股價及相關新聞 線，從技術走勢分析，短線恒指有機會回補7月26日裂口底部，即約26800點。不過恒指即使重返26800水平仍難未能完全扭轉勢，除非可以一口氣重返27200水平之上並企穩，否則後市表現仍反覆。
近日唔少金融股走勢好轉，尤其大笨象(00005) 股價及相關新聞 宣布派發中期息每股7美仙，更令少對大笨象有情意結，又或者好息之徒蠢蠢欲動，有意重投大笨象懷抱，又或趁下周四除淨前買入，試圖博一個財息兼收。不過睇真大笨象份成績表，業務表現未算突出，回復派息只不過令估值重返合理水平，未至於吸引到要再買入此股。值得留意係其股息相對內銀股平均6-8厘，大笨象息率不足3厘，顯得更為遜色，所謂無比較就無傷害，若然真係鍾情收息，寧願揀內銀股都輪唔到大笨象。當然古天后一向反對買股收息，尤其喺內地政策風險增加後，喺港股搵食更加要以快打慢，多做短線操作而非如以前咁齋坐唔郁，即係買股收息風險上升之餘，回報未見增加，值博率顯得更低。
喺中美⻆力下，內地整治多個行業，連環監管重拳打擊，令年初表現強勁嘅中港股市自第二季開始，跌到一仆一碌，而上月創刮起監管風暴，更嚇得資金急急腳逃走，從中港股市流出，上月底港股曾創下紀錄單日過3000億成交下跌後，近日港股回升成交額則回復不足日均2000億元，完全反映資金大逃亡後，並無意短期內重返港股市場。
不過恒指成份股喺8月第一個星期所累積嘅資金流，已差不多等於7月份全個月嘅資金流總額，呢個因素可以判別港股喺8月份再出現急跌情況唔大。而經過7月份急跌後，預期今個月大市波幅將收窄，目前港股喺25500水平有不俗支，但26800至27200阻力較大，換句話講，呢個月恒指較大機會喺不足2000點內上落。
古天后
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。