恒大及虛幣利淡夾擊 港股不宜進取
9月27日，天晴，天氣炎熱，過咗中秋都仲係咁熱，好彩夜晚有啲風。美股上周五表現牛皮，三大指數個別發展，道指跟標指分別升33點及6點，納指則跌4點。聯儲局於日前的議息會議後取態轉「鷹」，刺激10年期美國國債孳息率升穿1.4厘。鮑爺呢個星期將會到國會作證，唔少聯儲局官員支持收水，並建議喺11月開始減少買債，並於明年上半年結束買債，而喺就業市𠻹持續改善下，明年底前或到達加息條件。呢個星期市場除關注鮑爺喺國會聽證會時，會否透露更多加息路徑之外，國會能否及時通開開支方案，避免美國政府喺10月1日停擺，提高債務上限將會喺市場焦點。
近日美股表現較為反覆，亦有開始走弱嘅象，睇返EPFR數據顯示，截止9月22日止一周，全球股票基金共流出242億美元(約1,887億港元)，為2020年3月以來最多，亦係今年首錄資金外流。Mbll 美股唔少股份已跌至200天移動平均線以下，對大市係利淡信號。
至於港股呢邊，恒大(03333)事件仍未解決，兼且充滿不確定性，對港股嚟講係一個計時炸彈。雖然上周有消息指阿爺或出手相救，並將恒大分拆整合為三個實體，但計劃最終告吹。古天后聽到啲小道消息，指恒大跟阿爺洽商拯救方案之際，舵手許家印認為阿爺入主後，自己嘅股份所餘無幾，喺重組後想保留更多股權，阿爺認為機會畀咗恒大，許家印仲要諸多要求，決定放棄拯救，更向地方政府落柯打，要為恒大破產可能構成嘅影響作好準備。外媒報道，恒大一筆面值20.3億美元的美元債券還息死線(9月23日)已過期，但債權人未收到恒大需要支付嘅8350萬美元利息。目前，恒大正進入30日寬限期，如果寬限期過後仍未支付該筆利息，將正式觸發債務違約。即係恒大喺寬限期過後，或需要啟動破產程序。
除咗恒大事件對大市構成威脅之外，內地封殺虛擬貨幣升級，全面封殺有關交易，據報內地最大嘅比特幣交易平台火幣網已停止內地新用戶註冊，呢個行動為遵守政府最新嘅虛擬貨幣禁令而採取嘅首批行動之一。而有券商表示，應香港證監會嘅監管要求，GBTC/EHTE/ETCG/GDLC/OBTC/LTCN/BCHG將於10月1日起禁止新開倉交易，原有持倉平倉則不受影響。內地為咗發展人民幣數碼化，肯定對其他虛擬貨幣趕盡殺絕，小心虛擬貨幣一旦爆起上嚟，拖累埋股市表現，不得不提防。
古天后
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。
版權聲明:
本網站所載的資料（包括但不限於所有文字、數據或其他資料的匯編），除註明外，皆受香港特別行政區政府知識產權署的版權法條例所保護。D's Consultant Limited（包括文章作者）在任何時間皆持有本網站版權所有的權利，包括所有版權利益與其他知識產權。任何人如被發現有任何形式之侵權行為，本網站保留向侵權者索償或提出檢控之權利。詳情請向香港特別行政區政府知識產權署查詢。