散戶大鱷惡鬥影響金融市場秩序
2月1日，大致天晴，日間溫暖，呢個星期天氣唔錯。美股上周五持續受壓，三大指數跌幅達2%，總結一周，道指、標指、納指分別累跌3.27%、3.31%、3.07%，3大指數均創自去年10月以來最大單周跌幅。散戶「挾爆」GameStop淡倉事件，發展至有券商限制GameStop(GME)等股份買賣，相關股股價走勢為動盪，有投資者擔心心如果GameStop股價走勢繼續動盪，恐將蔓延至整個金融市場，而Robinhood可能會因此蒙受損失，逼使一些對沖基金出售其他股票，以籌集資金。
同時亦有投資者擔心，GameStop嘅狂熱係市場上一個超巨型泡沫迹象，如果該公司股價崩潰，最終可能會嚴重打擊散戶投資者。美國證券交易委員會(SEC)周五表示，將調查受監管機構行動，以了解限制買賣該決定有否令投資者處於不利位置。GameStop事件引發會否禍延大市嘅爭論，市場上各有意見，投資者憂慮若視像遊戲零售商GameStop(GME)繼續波動，可能導致券商出現虧損，沽空相關股份嘅對沖基金，亦可能被迫出售其他股票融資，繼而拖累大市。
短線美股仍然受壓，尤其GME事件未能如其名Stop嚟一個終結，定必對華爾街構成威脅，後患無窮。這類瘋炒行為若持續擴大，將帶來幾個問題。首先，沽空機構被大挾淡倉，巨額虧損或會令呢啲金融機構陷於倒閉，影響可能涉及還有相關嘅券商及提供貸款嘅銀行。
不過睇返實際數字，以整體市場市值規模，過去一年淡倉累積不增反跌，更至自2008年以嚟低位，而近日被炒家盯上嘅沽空股份，淡倉總額僅佔規模達43萬億美元的市場市值不足0.001%，只涉及少數股份，對大市好有重大影響，只要貨幣政策維持寛鬆，經濟能夠穩步復甦，近日嘅跌市反而係低吸機會。
值得意係呢一類散戶跟大戶對決，挾淡倉行動會否繼續愈演愈烈，一旦所沙股份數目增加，次數變得頻繁及規模愈來朲大的話，對於整體金融市場秩序當然有重大影響，甚至演變為一場金融災難。
至於港股呢邊，踏入2月市場關注焦點之一係「兩會」有關經濟金融政策消息，「兩會」將會喺今年3月上旬舉行，預期重點將是「十四五」規劃。而農曆新年前內地對流動性需求加，預期人民將加大逆回購規模，稍為放鬆銀根。估計喺春節假期過後，即2月中下旬開始，唔同內地部門將放風，透露不同行業有關兩會消息。古天后預計市場將跟隨相關消息炒作個股，炒股唔炒市持續，留意相關政策將帶動邊個板塊出現異動。
古天后
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。