減碳排概念股將持續為資金寵兒
10月27日，多雲，早上時間有一兩陣微雨，日間部份時間有陽光。美股隔晚持續做好，道指跟標指再創收市新高，納指則升9點。標指接連破頂，主要係業績期帶動美股繼續做好，只係嚟緊唔少重磅科技股公布業績，要美股保持樂觀氣氛，需要呢啲科技巨企業績表現令市場相當滿意，美股先有條件維持高位。雖然美股喺10月表現強勁，但大摩仍然睇淡美股。而前聯儲局主席格老詒為，通脹顯著上升嘅威力持續存在，更指通脹趨勢遠高於過去20年約2%嘅平均水平。
至於美股隔晚喺ADR跟夜期回軟，重磅科技股普遍回軟，之前古天后已提醒咗大家，ATMX反彈已去到阻力位，呢一輪反彈差不多到價，有貨短炒見好要收，果然噚日呢幾隻科技龍頭已唔多肯行，預計今日會下調尋找支持，而大部份將下試20日線，甚至50日線，有心買貨可以睇住呢兩條線搵位上車。
美股愈升愈有，但亞太區呢邊嘅股市就無乜活力，反映環球資金仍偏好美股，事實上，美企業績交到功課，難怪愈升愈有。港股同樣處於業績期，可惜暫未見企業公布季績有太大驚喜，加上缺乏新資金流入，港股仍難走出上落市格局，目前仍然係資金喺不同板塊輪動，以環保及減碳排放主題嘅股份，將會繼續成為資金逢低吸納對象。
事實上，全球暖化所引發極端天氣日子增加，聯合國亦就問題發表報告指，即使各國現時大幅減少碳排放，但基本上更炎熱嘅未來已無法避免。喺氣候問題上，唔少新科技及新興行業萌芽，例如電動車取締其他傳統能源車，以減少行駛時碳排放；美國總統拜登亦在較早前定下目標，計劃10年內新銷售汽車中電動車嘅比率提升至一半以上。中國內地亦訂下目標，要將非化石能源消費比重於2025年及2030年分別升至20%及25%，並要「深度參與全球氣候治理」、「推進綠色『一帶一路』建設」。基於減碳排呢個大前題，相信梘關股份喺未來半年，仍然會係資金寵兒。
古天后
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。
版權聲明:
本網站所載的資料（包括但不限於所有文字、數據或其他資料的匯編），除註明外，皆受香港特別行政區政府知識產權署的版權法條例所保護。D's Consultant Limited（包括文章作者）在任何時間皆持有本網站版權所有的權利，包括所有版權利益與其他知識產權。任何人如被發現有任何形式之侵權行為，本網站保留向侵權者索償或提出檢控之權利。詳情請向香港特別行政區政府知識產權署查詢。