港股反彈阻力二萬六唔易突破
8月25日，部份時間有陽光，間中有幾陣驟雨，早上局部地區有雷暴。隔晚美股變動唔大，不過納指首次突破15000點收市，跟標指齊齊創收市新高，道指則升30點。至於港股喺一眾科技股報復式反彈下，展開反彈，預期今日反彈勢頭持續，但留意大市於26000水平阻力唔少，雖然指有望收復10日線( 25763)，但20日線( 26035)要企穩又談可容易。
美國國會眾議院以220對212票，通過採用總統拜登已經表態支持嘅3.5萬億美元預算開支議案藍本，令該議案進入細節討論階段。美股暫時維持強勢，不過有分析警告，踏入秋季，市場「脆弱性」衝擊風險正在上升。季節性因素跟聯儲局政策，債券購買規模預計會逐漸減少，只會增加未來幾個月發生更大市場衝擊嘅可能性。不過穿頂唔估頂，目前要更加留意美股幾時轉向，步步為營。
至於港股反彈亦不能掉而輕心，雖然連登契媽，科技女股神轉口風，一改之前清倉中資股唱淡嘅態度，更掃入業績理想嘅京東(09618) ，刺激港股科網股周二報復式反彈，契媽表示仍睇好中資股長遠發展。雖然如此，但大部份重磅科網股，反彈到現價都差不多到阻力位，如果早兩日跌到一個七皮之際無撈貨，呢兩日升返咁多，真係唔建議喺阻力位前追貨，否則好易又中伏。反而手上重倉呢個板塊，要趁反彈減倉，僅記港股反彈，大市至少要企穩26000先有條件再進一步，而要扭轉由7月已成嘅弱勢，一定要重上250線(27290) ，唔重返27200水平，港股難言扭轉弱勢，嚟近一段時間，都只會係有波幅，冇升幅。
古天后
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。