港股市底雖轉強 惟成交未能配合
10月22日，天氣顥著轉涼，多雲，間中有幾陣雨。美股隔晚個別發展,，雖然道指跌6點，不過標指則創自9月2日以嚟收市新高，升13點，報收4549點；納指則升94點。美國就業市場改善，加上企業季績大部份合符預期，甚至有唔少企業上調全年盈利預測，支持美股持續高企。不過隔晚美股最矚目嘅消息，係侵侵宣布自創社交程式「TRUTH Social」，以對抗封殺他的Twitter、Facebook等社交網巨擘。呢個社交程式母公司Trump Media & Technology Group(特朗普媒體及科技集團)宣布，通個SPAC收購Digital World Acquisition Corp.(美股：DWAC)上市，消息刺激下，DWAC股價急升逾三倍，口痕友話炒住DWAC，愈嚟愈覺得炒港股好無癮同無乜意思。
港股隔晚喺夜期重上二萬六關，ADR就無內方向，不過自恒指收復50日線及重上26000關後，市底明顯轉強，只可惜係成交一直未見增加配合升勢，無新資金流入下，都係塘水滾塘魚，略嫌動力不足，亦難令人感受到牛氣，加上今日星期五，周末效應下，即使指數有所回升，市況估計偏向淡靜。
今日港股無乜好搞，有消息指恒大(03333) 償還喺9月23日到期嘅350億美元債嘅利息，加上阿爺再向投資者派定心丸，指恒大問題未影響到整個內房行業，並建議銀行向健全財務狀況嘅內房企業提供正常借貸。呢兩日見有資金流入內房板塊，今日呢個板塊預期仍有向上動力，但提醍大家，恒大問題一日未解決，都好似一個計時炸彈咁，炒作內房股都係搵返啲槓桿較低，負債較少嘅公司。
古天后
古天后
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。
版權聲明:
本網站所載的資料（包括但不限於所有文字、數據或其他資料的匯編），除註明外，皆受香港特別行政區政府知識產權署的版權法條例所保護。D's Consultant Limited（包括文章作者）在任何時間皆持有本網站版權所有的權利，包括所有版權利益與其他知識產權。任何人如被發現有任何形式之侵權行為，本網站保留向侵權者索償或提出檢控之權利。詳情請向香港特別行政區政府知識產權署查詢。