物管股未有耐炒完趁回吐吸納
1月7日，早上相當清涼，日間部份時間天色晴朗及乾燥，但晚上氣溫急降，無得WFH嘅朋友，記得著多件衫保暖。隔晚美股個別發展，雖然就業數據欠佳，但市場憧憬美國民主黨控制參眾兩院，民主黨可能順利加推刺激經濟措施。明明早兩日仲因為市場擔心民主黨全控參眾兩院，或可能喺拜登就任總統後加稅，道指更曾因此短暫跌穿三萬大關，過咗兩日同一原因又話好正，因為憧憬民主黨加碼刺激經濟，即係話市場想個市升就升，跌就跌，一切升升跌跌原因，只不過係事後孔明。道指隔晚再創開市新高，報收30829點，升437點；標指亦升21點；大型科技股回落，亞馬遜、蘋果公司分別收跌2.49%和3.32%；Netflix下挫近4%；Facebook收市亦跌2.82%；拖累納指跌78點，報收12740點。
美國國會舉行特別聯席會議，認證總統選舉人團投票結果之際，侵侵支持者到國會大樓外示威，最終演變為暴動，華府更加喺當地時間傍晚6點起宵禁。無論美國國會打到七彩都好，侵侵大勢已去，反而要注意喺餘下嘅十幾日任期內，侵侵仲要玩乜花臣。最新嘅花招係有報道指美國官員正考慮禁止美國人投資阿里巴巴(09988) 股價及相關新聞 及騰訊(00700) 股價及相關新聞 ，而相關計劃仍然喺審議階段，或可能不會獲得通過，因各機構正討論相關計劃對市場影響有幾大。雖然未通過，但兩股已喺ADR仆直，喺ADR較噚日本港收市跌4%，睇嚟今日喺港股呢邊同樣大開殺戒。不過對於騰訊，古天后仍有信心，話唔定呢一吓震落去，係上車機會，若然騰訊股價落到570元樓下，可以分段吸納。紐交所五時花，六時變，喺財長壓力下，又再對三大中資電訊股啟動除牌，並於於下周一正式執行。話咗幾隻中資電訊股無運行，肯定今日繼續死落去。
至於尋日熱炒嘅物管股，唔排除急升後有回吐，不過十個部委齊發功，呢個板塊冇咁快玩完，若然今日見回吐，又係吸納機會。物管股選擇眾多，古天后千挑萬選揀咗融創服務(01516) 股價及相關新聞 ，貪佢係半新股無蟹貨，加上有全國第四大內房融創(01918) 股價及相關新聞 母企呢個大靠山，現價估值相對其他龍頭便宜，而且下月恒指服務公司進行季度檢討，有機被納入恒綜指及加入港股通，幾個利好因素成為股價短線催化劑。
古天后
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。