留意通脹會否失控睇幾個因素
6月24日，多雲，間中有雨，間中有狂風雷暴。灰灰嘅天空，同我嘅心情一樣，我估好多香港人心情都好似天色大樣灰暗，咁嘅天氣實在令人提唔起勁。雖然從此大不同，但生活仍要繼續，大家努力，共勉之。
隔晚美股個別發展，道指跟標指分別跌71及4點；納指則升18點，連續兩日創收市新高。雖然美股似乎持續出現泡沫現象，但喺華府嘅刺激經濟方案，聯儲局嘅寬鬆貨幣方案，以及疫苗接種進度理想推動下，華爾街嘅星級基金經理形容，投資者正經歷「美股史上最大奇幻之旅」，以史為監，美國市場任何時候都可能開始退潮。縱使持續有警告聲音，指美股泡沫隨時爆破，偏偏美股繼續其尋頂之旅，美股投資者亦有理無理，炒咗先講，一日未見美股深度調整，缸邊友又點會知驚。
雖然港股近日似乎有返啲生氣，即使指數仍然喺區間內上落，但唔少板塊各有炒作，個別板塊更持續有股份創新高，A股趨穩定，美股亦持續向好，但都唔好太過樂極忘形，因為通脹威脅唔講得笑，一旦因為通脹急升而需要加息，貨幣政策由鬆轉緊，從過去歷史證明，足以扭轉整個金融市場，大家唔好掉以輕心。
幸而暫時仍未見通脹喺呢一刻會急劇上升，留意幾個現象，可以推測通脹有否失控，油價表現一直係通脹指標，唔少金融機構預計，年內油價或升至100美元一桶，若然油價持續升勢，必將加劇通脹。而美國的M2，若通脹有失控迹象，貨幣增多之餘，流轉亦會加快。最後要留意美國嘅二手車、電腦晶片及工人供應不足情況，會否喺未來一季獲得紓緩，若然情況持續短缺，未來物價升幅好大機會超出聯儲局預計水平。
為咗抵抗通脹，新一批iBond認購反應熱烈，只要成功購點都賺到餐飯，反正有錢賺先袋落袋亦無所謂。不過若然係活躍於股市，又或者閣下只係想搵比定期存款或者現金回報更吸引而有穩定嘅投資，否則先行獲利亦無可厚非。
新股排隊上市，熱潮明顯升溫，不妨留意今日中午截止認購的中駿商管(00606) 股價及相關新聞 。集團為綜合物業管理服務提供商，是次招股引入4名基礎投資者，包括安踏體育(02020) 股價及相關新聞 副主席丁世家、恒安(01044) 股價及相關新聞 執行董事許清流、九牧王(滬：601566)投資部主管林婉瑩，以及TX Capital Value Fund；總計投資金額7000萬美元(約5.43億港元)。TX Capital乃大中華價值投資基金，投資中駿商管，相信是看好其業務夠實在，另安踏近日走勢強勁，同樣利好中駿商管。
集團2020年度收入8.05億元(人民幣，下同)，按年增加40.1%，純利增加1.2倍至1.56億元，毛利率上升7.3個百分點至44.3%，上升勢頭強勁。截至去年底止，擁有104個在管商業及住宅項目，在管總建築約為1620萬平方米，總簽約建築面積3660萬平方米。預計今年第四季，將有4座世界城購物中心開業， 2022年料有超過10 座中駿世界城開業，未來增長動力持續。一手1000股入場費4646元，不妨現金小注認購。
古天后
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。