美股危機四伏 現宜戒急用忍
10月5日，大致天晴，日間炎熱及乾燥，大家見字要飲水。美股隔晚繼續受壓，三大指數下跌，道指跌323點；標指跌56點；納指跌幅超過2%，跌311點。一向被視作無風險嘅美國債券，正面臨史上首次債務偉約危機。美國財長耶媽宣布，美國政府從8月起採取非常規措施，但措施唔能夠足以支付10月18日之後嘅帳單。國際評級機構惠譽表示，如果國會未能夠及時解決債務上限問題，令財政部推遲兌付或違約，美國嘅AAA地位也可能受到威脅。一旦美債違約，不單削弱美國剛從疫情開始復甦嘅經濟，並對美國嘅國際地位造成永久情傷害。雖然市場擔心美國出現債務違約，但古天后有信心，國會兩黨最終可達成協議，於今個月18日前提高債務上限以避免違約。不過喺兩黨達成協議前，市場仍會出現不確定性及波動。
與此同時，通脹係一個聯儲局要面對嘅更大問題，聯儲局或被逼提早收水，即係加息亦會加快發生，兩者均利淡股市，美股喺第四季可能相當痛苦。已從高位回落5%嘅納指，喺收水預期及利息趨升下，高估值及高增長股有機會進一部下跌，納指或面臨更大跌幅。
目前要留意係美國兩年期及十年期國債孳息之間嘅息差，兩者嘅息差係反映經濟放緩或過熱嘅指標。按過往歷史資料反映，0至150點子之間嘅息差，係對股市有利嘅區間，當息差擴大至超過150點，股市或面臨較大幅度調整。而孳息曲線過於陡峭意味通脹正失控，聯儲局可能逼得不已迅速收水。若然真係咁嘅話，美股定必出現大幅度調整，跌一成亦唔出奇。喺市況咁多不確定因素下，暫時要戒急用忍，提高警覺。
古天后
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。
版權聲明:
本網站所載的資料（包括但不限於所有文字、數據或其他資料的匯編），除註明外，皆受香港特別行政區政府知識產權署的版權法條例所保護。D's Consultant Limited（包括文章作者）在任何時間皆持有本網站版權所有的權利，包括所有版權利益與其他知識產權。任何人如被發現有任何形式之侵權行為，本網站保留向侵權者索償或提出檢控之權利。詳情請向香港特別行政區政府知識產權署查詢。