被美國制裁股份勿入場接飛刀
12月8日，天晴乾燥，一早一晚較為清涼，未來幾日開始多雲有雨。美國疫情持續甚至惡化，而歐洲貿易談判瀕臨破裂，都令美股走軟，不過科技股仍有資金追捧，三大指數個別發展。道指更標指回軟，但納指則再創收市新高。市場正等待美國FDA審批輝瑞疫苗，美國政府將希望寄託喺疫苗之上。尤其係民眾未能自律的話，即使疫苗面世，疫情亦未必能受控。
不過美股仍有大好對後市持續抱樂觀睇法，維持經濟V形反彈預期，表示明年首季並唔會出現雙底衰退。隨住疫苗廣泛應用，釋放民眾被壓抑嘅需求，經濟將於明春開始反彈。加上全球貨幣政策同步寬鬆，勢繼續為大市提供強勁支持。不過，大前提喺美國好大部份人口急切需要新一輪紓困方案，方案遲遲未能推出市場將為大市帶嚟風險。
至於港股噚日下跌，主要係噚日有消息指美國再制裁12名中國官員，而相關消失於隔晚被證實，但當中並未包括香港官員。其實美國制裁中國或香港官員都唔係乜嘢新鮮事物，但港股噚日卻因為呢固消息急挫，反映大市對所有消息仍然敏感，尤其唔少股份年內累積巨大升幅，投資者獲利離場亦合情合理。
侵侵喺僅餘任期內對中國頻頻出招，除咗制裁中國官員之外，較早前已簽署行政命令，制裁31間中國企業，指控呢堆企業受中國軍方擁有或控制，包括海康威視、中國電信(00728) 股價及相關新聞 及中國移動(00941) 股價及相關新聞 等。上星期，美國政府再將4家中國企業列入國防部的黑名單，包括中芯國際(00981) 股價及相關新聞 及中海油(00883) 股價及相關新聞 。
由於美國限制企業或個人投資或跟受制裁公司合作，國際指數公司因應限制從指數成份股中剔除相關股份，富時羅素率先公布，喺富時環球股票指數系列(GEIS)、富時中國A股全盤指數系列，剔除8家中國企業，包括：中交建(01800) 股價及相關新聞 、中車(01766) 股價及相關新聞 、中鐵建(01186) 股價及相關新聞 嘅AH股、上海上市嘅中國衛星、中國核建、中科曙光、中國化學，及深圳上市吨海康威視。市場擔心其他指數公司照辦煮碗，而全球最大指數供應商MSCI明晟跟納斯達克表示，或於本周決定是否作出相應調整，將被制裁股份剔出。
一旦落實相關變動，追蹤相關指數嘅被動式基金將對相關股份進行減倉，短期呢堆股份肯定捱沽無運行。值得留意係已被列入黑名單股份，唔單止美國投資者唔可以投資，歐洲投資者亦會因怕被牽連已沽出相關股份。古天后再強調一次，相關股份近日下跌，絕對不宜入市博反彈，接飛刀呢啲危險動作，完全不值博，更唔好寄望中國基金及北水將護盤抗衡歐美基金沽貨。真係唔好再問中移動(00941) 股價及相關新聞 、中海油(00883) 股價及相關新聞 呢啲位值唔值得買，政治問題要喺股市解決難度極高，缸邊友避之則吉。
古天后
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。