鮑爺放鷹料美股續波動
1月27日，大致多雲，日間短暫時間有陽光。美國聯儲局一如預期維持利率不變，但主席鮑威爾放鷹，美股先升後回，道指一度升逾500點，但鮑爺放鷹拖累走勢急轉直下，道指倒跌129點；標指跌6%；納指升幅亦幾近蒸發，僅升2點收市。
鮑爺喺記者會表示，聯儲局除咗繼續縮減資產負債表外，唔排嚟緊每次開會都加息，即係由3月議息會議起都加息嘅話，意味今年全年加息次數將達7次，遠高於市場預期三至四次。咁嘅加息次數當然令市場意外，不過高盛則向市場派定心丸，指美股仍未到達危險區域，即高位計跌兩成，陷入技術性熊市，目前美股只處於牛市調回調階段，但未來1至5年回報相對較低。
鮑爺放鷹當然嚇窒股市，今早亞太區股市普遍下跌，港股隔晚喺ADR跌至接近二萬四水平，今日呢個位隨時失守。港股都算多災多難，本來彈得好地地，近來又再受美股跟A股兩面夾擊，內地股市就例牌年尾水緊，而美股則受到加息步伐或轉急轉快，增長股殺股值影響，港股本來已連升個星期好地地，咁樣搞一搞又打回原形。
不過呢個幾星期，美股大玩過山車，道指上下波達4000點，納指亦累跌2700點，呢兩日捱過咗議息，輪到歐洲央行下周議息，相信呢一輸議息完結後，歐美股市應該可以喘定。不過鮑爺表示今年嚟緊嘅議息可能次次都加息，即係年內加息次數將達7次咁多，遠較市場預期今年加息3至4次多，難免令隔晚美股嚇一嚇。至於俄烏地綠政治局勢緊張，市場擔心戢事一觸即發，不過都係口水戰階段，相信俄羅斯考慮到或遭國際制裁，未必會輕舉妄動。
總括嚟講，喺眾多不明朗因素圍繼下，美股走勢仍會反覆，港股則要睇住條20日線(23978)同50日線(23871)，只要呢兩個位守得住，後市又唔會太差，不過港股暫時仍難言轉勢，尤其由今日起北水暫停至下月7日回歸，市況將轉趨淡靜，反正已接近年假，不如提早收爐。
古天后
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。
版權聲明:
本網站所載的資料（包括但不限於所有文字、數據或其他資料的匯編），除註明外，皆受香港特別行政區政府知識產權署的版權法條例所保護。D's Consultant Limited（包括文章作者）在任何時間皆持有本網站版權所有的權利，包括所有版權利益與其他知識產權。任何人如被發現有任何形式之侵權行為，本網站保留向侵權者索償或提出檢控之權利。詳情請向香港特別行政區政府知識產權署查詢。