恒大事件仍存變數 為集團破產作準備
雖然聯儲局開始訂定收水路線，但同時市場憧憬經濟會持續復甦，美股連續第二日回升，不過港股早已唔跟美股步伐，喺恒大(03333)事件仍充斥住不明朗因素之兩，港股喺24500水平爭持，好淡拉鋸。恒指低開23點報24487，開市後曾升迄百點，但其倒跌多171點，見24339點半日低位。再一之低位見買盤吸納，大市止跌回升125點，見24636半日高位，但升勢未能持續。恒指半日收報24504，跌6點；國指中午報收8719，跌14點；恒科指半日45點，報收6255。半日成交較上日縮減，只有739億元。
美國最快明年加息，帶動美國10年債息升至1.4厘，銀行股走高。不過大笨象(00005)半日升1.5%又如何，股價只係重上40元水平，始終難見大起色，息差未見得會因為加息而大幅擴闊，銀行股表現好壞，係取決經濟狀況。以目前香港嘅經濟狀況，本地銀行股嘅業績難寄予厚望。ATMX各自發展，騰訊(00700)跟美團(03690)半日上升，阿里(09988)跟小米(01810)半日則下跌。
電力股以風電股表現最好，噚日收市升幅縮水嘅龍源電力(00916)，半日反彈近6%，重上18元；其他清潔能股份，半日升幅由4.2%至8%不等。之前阿Man講過，新能源股不但唔受監管風暴影響，更加係受惠國策，今年餘下時間，呢個板塊會保持強勢，果然係運回吐可以吸納。另一個阿Man睇好嘅板塊航運股，今日有資金追捧，波羅的海乾散貨指數則連升五日，升幅超過一成，航運股半日升幅由1.8%至接近5%不等，之前阿Man推介過嘅海豐國際(01308)創上市新高36元，半日升4.6%。
建材股今日跌勢顯著，鋼鐵股跟水泥股全線走弱，當中以華潤水泥(01313)半日跌6.4%，跌勢較急。煤炭股係另一個走勢較弱嘅板塊，恒鼎(01393)表示現金水平不足，要發股抵債，股價半日大跌13.1%，其他煤炭股亦受拖累，跌幅由1%至5%不等。
早兩日有消息指恒大或得到阿爺打救，但今日另有消息傳出，阿爺無意介入，反而敦促地方政府，為恒大倒閉做好準備。而恒大汽車(00708)則傳出員工無糧出，明年無法量產，股價半日大跌18%。講真，恒大汽車曾被阿爺點名批評紙上造車，當初公司大鑼大鼓話要投放400億做電動車，不過係批股集資，又係一種融資手段，集資都係為咗應付集團債務，有冇真係投放到製造電動車，真係無人知。
麥狄文利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。
版權聲明:
本網站所載的資料（包括但不限於所有文字、數據或其他資料的匯編），除註明外，皆受香港特別行政區政府知識產權署的版權法條例所保護。D's Consultant Limited（包括文章作者）在任何時間皆持有本網站版權所有的權利，包括所有版權利益與其他知識產權。任何人如被發現有任何形式之侵權行為，本網站保留向侵權者索償或提出檢控之權利。詳情請向香港特別行政區政府知識產權署查詢。