聯想集團現價PE回A太失禮
聯想集團（992）喺1月12日宣佈董事會已批准可能發行中國存托憑證（CDR）、並向上海證券交易所科創板申請CDR上市及買賣嘅初步建議。發行CDR及科創板上市嘅整體建議均取決於市場情況、股東批准以及相關證券交易所及監管機構嘅必要批准。發行股後所籌集得到嘅資金，將用於技術、產品及解決方案研發，相關產業戰略投資，及補充公司營運資金。
自消息公佈後，聯想股價持續上升，周二當日即使大市回調逾2.5%，但聯想股價仍然上升，更創下超過5年高位，反映市場對聯想集團是次回A計劃認同，並睇好公司前景。聯想集團2020/2021財年第二季度（2020年3季度）業績表明，公司嘅軟件與服務業務營業額較上年同期增長了39%，創下歷史新高，成為集團業務增長新引擎。
聯想當前具備優勢嘅PC行業本身前景向好；同時，聯想喺創新領域亦有過人之處，集團喺全球擁有15個研發基地，每年研發投入達100億人民幣，累計獲得超過2.9萬項專利，其中包含逾1,000項5G專利。今年，聯想陸續推出全球首款5G PC、首款可折疊筆記本電腦ThinkPad X1 Fold，以及摩托羅拉刀鋒5G折疊屏手機，引領折疊屏及5G技術實現全面商用，呢啲都盡顯聯想創新能力。
聯想喺B端業務上也具備強勁增長潛力。根據聯想集團最新財報顯示，截至2020年9月30日，聯想DCG營業額年比年增長11.1%，盈利水平年比年改善0.7個百分點，雲服務IT基礎設施營業額持續強勁增長，年比年提升34.1%。
唔單止硬件產品創新，聯想喺業務模式上亦持續探索轉型。據瞭解，聯想相當重視打造服務與軟件領域嘅「軟實力」。最新財務報表中顯示聯想集團軟件與服務營業額較去年同期增長39%。附加軟件及服務按年增長25%，運維服務按年增長91%，解決方案服務按年增長68%，設備即服務更是增長高達210%。同時，電商業務營業額也取得了41.8%的按年增長。
目前，大部份投資者對聯想嘅認知，普遍仲停留喺PC霸主的定位上。然而，當市場認識到，聯想無論創新實力，抑或打造高利潤率、高成長潛力業務上均已蓄勢待發，聯想股價自然有脫胎換骨嘅表現。聯想集團現價市盈率僅為22倍；與之相比，小米集團（1810）為48倍，內地上市嘅用友網絡、深信服、廣聯達嘅市盈率更以過百倍計，聯想集團嘅市值重估快將隨之進行。現價買入，首個目標價12元接近2015年高位，但若市場重新估值，對應約40倍市盈率，股價可見18元。
古天后
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。